00:30 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
დილა მშვიდობისა
ნობელის პრემიის ლაურეატი მშვიდობის დარგში ლიუ სიაობო გარდაიცვალა

სიახლეები

დიმიტრი ქუმსიშვილი: ბათუმის განახლებული სატრანსპორტო სისტემა კიდევ უფრო უკეთ მოემსახურება როგორც ადგილობრივ მოსახლეობას, ასევე ტურისტებს

 

„მთელი გულით მინდა ბათუმს მივულოცო ეს შენაძენი, რომელიც უახლესი 1-1,5 წლის განმავლობაში ამ ქალაქში გამოჩნდება. ის შესაძლებლობას მისცემს ბათუმის სატრანსპორტო სისტემას კიდევ უფრო უკეთ მოემსახუროს როგორც ადგილობრივ მოსახლეობას, ასევე ტურისტებს“, - განაცხადა პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა ევროპის რეკონსტრუქციისა და განვითარების ბანკთან (EBRD) ხელშეკრულების ხელმოწერის ცერემონიაზე სიტყვით გამოსვლისას. 
 

ხელშეკრულების თანახმად, ბათუმის საქალაქო სატრანსპორტო პარკი 10 ელექტრო და 20 დიზელზე მომუშავე ავტობუსით შეივსება. 


პირველი ვიცე-პრემიერის, დიმიტრი ქუმსიშვილის განცხადებით, ეს უნდა იყოს დასაწყისი ბათუმში სატრანსპორტო რეფორმისა, რომელიც აღნიშნულ ქალაქს ეკოლოგიური თვალსაზრისით უფრო მიმზიდველს გახდის, სადაც, მისი თქმით, ეკოლოგია იქნება მაქსიმალურად დაცული და სადაც, რაც შეიძლება მეტი ქუჩა იქნება საფეხმავლო ან იმოძრავებენ მხოლოდ ელექტრო ავტობუსები.
  

თავის გამოსვლაში, პირველმა ვიცე-პრემიერმა მადლობა გადაუხადა პროექტში მონაწილე ყველა მხარეს. დიმიტრი ქუმსიშვილმა განსაკუთრებით გამოყო საქართველოში ევროკავშირის ელჩი როლი. 


„მადლობა მინდა გადავუხადო ევროკავშირის ელჩს ჩვენს ქვეყანაში. მისი მხარდაჭერით, იმ პროექტით, რომელიც ბათუმის მერიამ EBRD-თან ერთად მოამზადა, საბოლოო ჯამში, საგრანტო კომპონენტის თანადაფინანსება მივიღეთ“, - განაცხადა პირველმა ვიცე-პრემიერმა.

 

 

მსგავსი სიახლეები

თქვენთვის საყურადღებო დღის 3 თემა

  • ირაკლი კობახიძემ სახელმწიფო აუდიტის სამსახურის თანამშრომლებს ახალი გენერალური აუდიტორი ირაკლი მექვაბიშვილი წარუდგინა
  • კახეთში მევენახეების შემოსავლებმა 81,5 მლნ ლარს მიაღწია
  • სემეკმა 4 კომპანიას ელექტროენერგიის წარმოების ტარიფები შეუმცირა

კვირის ეკონომიკური მონიტორი 11 - 17 სექტემბერი, 2017

• იანვარ-აგვისტოში ექსპორტი 28,5%-ით გაიზარდა, იმპორტი 7,5%-ით. • აგვისტოში ფულადი გზავნილების მოცულობა 15.1%-ით გაიზარდა. • 2017 წლის პირველ ნახევარში საქართველოს მოსახლეობა შემცირდა.

სავალუტო ბაზრის მიმოხილვა (11 - 16 სექტემბერი, 2017)

კვირის განმავლობაში ლარი აშშ დოლარის მიმართ გაუფასურდა 0.54%-ით, ხოლო ევროსთან 0.38%-ით. მიმდინარე კვირაში ეროვნულ ბანკს სავალუტო აუქციონზე ინტერვენცია არ განუხორციელებია.