agora financeAGORANEWS

პოლიტიკური გაერთიანება „გირჩის“ ლიდერი ზურაბ ჯაფარიძე იმ დაზარალებულ მოქალაქეთაგან ერთ–ერთია, რომლებმაც სამშენებლო კომპანია „აქსისში“ ბინა შეიძინეს, რომელიც დღემდე არ ჩაბარებიათ:

„ჩვენ საირმის ქუჩაზე გვაქვს ბინა ნაყიდი.

ორი კორპუსი უნდა აშენებულიყო და მხოლოდ ერთი აშენდა.

ჩვენ კი სწორედ იმ მეორე კორპუსში გვაქვს შეძენილი საცხოვრებელი.

ჩვენს ოჯახს თანხა 2007 წელს გვაქვს გადახდილი და ბინა 2011 წლის ბოლოს უნდა ჩაგვბარებოდა.

იქ ახლა მიყვანილი ჰყავთ ერთი ექსკავატორი და ორი მუშა და ამბობენ, თითქოს მშენებლობას იწყებენ.

სინამდვილეში კი, ცხადია, ამის არავის სჯერა, ისინი მხოლოდ დროის გაწელვას ცდილობენ იმის გამო, რომ ეს ამბავი გახმაურდა.

ჩვენ გვაქვს მარტივი კითხვა: სად წავიდა ის თანხა, რომელიც ამ კორპუსში ცხოვრებისთვის ადამიანებმა გადავიხადეთ?“