16:57 PM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
კიდევ ერთი პერფორმანსი – იმიტირებული ქალაქი
საგზაო მოძრაობის უსაფრთხოების კამპანიის ფარგლებში, ბათუმში აქცია-პერფორმანსი გაიმართა

სიახლეები

ქართულ-შვეიცარიული ინცვესტიციით შექმნილი კომპანია „ბლაუენშტაინ საქართველო“ რაჭაში

 

პარლამენტის აგრარულ საკითხთა კომიტეტის ორგანიზებით, პარლამენტის წევრებმა დღეს რაჭაში ქართულ-შვეიცარიული ინვესტიციით შექმნილი, ხორცისა და ხორცპროდუქტების მწარმოებელი კომპანიის „ბლაუენშტაინ საქართველოს“ ხორცის გადამამუშავებელი საწარმოო კომპლექსი დაათვალიერეს.

 

კომპლექსი მესაქონლეობის თანამედროვე ფერმას, საერთაშორისო სტანდარტების სასაკლაოსა და ვეტერინარულ ლაბორატორიას აერთიანებს. პარლამენტის წევრები იმყოფებოდნენ სოფლებში - სორი და შარდომეთი, სადაც მოინახულეს მსხვილფეხა რქოსანი პირუტყვის ფერმები, რომლებიც სახელმწიფო შეღავათიანი აგროკრედიტით სარგებლობენ.

 

საქართველოს პარლამენტის წევრებმა კომპანია ,,ბლაუენშტაინ საქართველოს“ თანამშრომლებთან სათაო ფერმაში სამუშაო შეხვედრა გამართეს. 

 

„მეცხოველეობის დარგის განვითარებას ქართულ-შვეიცარიული საწარმო მნიშვნელოვნად უწყობს ხელს. კომპანიის სპეციალისტების ზედამხედველობით ხორციელდება ცხოველთა მოვლა-პატრონობა და მიღებულ მაღალხარისხიან პროდუქციას კი ისევ კომპანია იბარებს. სასურველია, რომ ეს მოდელი ქვეყნის მასშტაბით დაინერგოს. ეს მნიშვნელოვნად განავითარებს როგორც დარგს, ასევე ხელს შეუწყობს ცხოველთა გენეტიკის გაუმჯობესებას და პროდუქტიულობის ზრდას“, - განაცხადა აგრარულ საკითხთა კომიტეტის თავმჯდომარემ ოთარ დანელიამ.

 

როგორც შეხვედრაზე კომპანიის დამფუძნებელმა ირაკლი კერვალიშვილმა აღნიშნა, კომპანიამ საერთო ჯამში 22 მლნ ლარზე მეტი ინვესტიცია განახორციელა და რამდენიმე ასეულ მსხვილფეხა პირუტყვს ფლობს, ასევე ხელს უწყობს კერძო ფერმების განვითარებას. კომპანიაში 100-მდე ადგილობრივია დასაქმებული. საწარმო აღჭურვილია შვეიცარიულ-ფრანგული უახლესი ტიპის აპარატურით. 

 

„ბლაუენშტაინ საქართველომ“ პირველად საქართველოში თანამედროვე სტანდარტების გათვალისწინებით, ე.წ. „დამწიფებული ხორცის“ წარმოებაც დაიწყო. პირუტყვის სპეციალური მეთოდით დაკვლის შემდეგ, ხორცს რამდენიმე დღის განმავლობაში შესაბამისი ტენიანობის და ტემპერატურის მქონე მაცივრებში განათავსებენ, რაც ხორცში მჟავიანობის მინიმუმამდე შემცირებას უწყობს ხელს. პროდუქციის წარმოების ყველა ეტაპზე ხორციელდება ლაბორატორიული კვლევები, საწარმოში სანიტარულ-ჰიგიენური ყველა ნორმა არის მაქსიმალურად დაცული.

 

შეხვედრაზე საუბარი შეეხო გარკვეული პრობლემების საკანონმდებლო დონეზე მოგვარების საკითხს. კანონმდებელთა განცხადებით, ბევრი საკითხის მიმართ ქვეყანაში ერთინი მოდელი ვერ იმუშავებს და შესაძლებელია დიფერენცირებული რეგულაციები დაწესდეს ე.წ. მთის კანონის მიხედვით. 

 

ოთარ დანელიას განცხადებით, საშემოდგომო სესიაზე კომიტეტი აქტიურად იმუშავებს პრობლემების საკანონმდებლო გზით გადაჭრის მიმართულებით.

 

აგრარულ საკითხთა კომიტეტის გასვლით ღონისძიებაში კომიტეტის წევრებთან ერთად, ასევე მონაწილეობდნენ პარლამენტის თავმჯდომარის მოადგილეები გიორგი ვოლსკი და ზვიად ძიძიგური, გარემოს დაცვისა და ბუნებრივი რესურსების კომიტეტის თავმჯდომარე კახა კუჭავა, რეგიონული პოლიტიკისა და თვითმმართველობის კომიტეტის თავმჯდომარე გრიგოლ ლილუაშვილი, საპარლამენტო უმრავლესობის ლიდერი არჩილ თალაკვაძე. 

 

კომპანია „ბლაუნშტაინ საქართველო" 2009 წელს, ქართულ-შვეიცარული ინვესტიციით დაფუძნდა და რაჭაში უკვე 22 მილიონი ლარის ოდენობის ინვესტიცია განახორციელა. კომპანია რაჭაში ფერმების ქსელს 2015 წლიდან ფლობს. მნიშვნელოვანია, რომ კომპანია 2018 წელს ყველის და რძის გადამამუშავებელი ქარხნის მშენებლობასაც გეგმავს.

მსგავსი სიახლეები

თქვენთვის საყურადღებო დღის 3 თემა

  • ევროკავშირში ექსპორტი 18,9%-ით გაიზარდა, დსთ-ში 59%-ით
  • ლევან დავითაშვილი - ჩვენი მოლოდინით, წელს საქართველოდან ექსპორტი 70 მილიონ ბოთლს გადააჭარბებს
  • ”თიბისი ბანკმა” სკოლის მოსწავლეებისთვის ”#1 ბარათის” ოთხი ახალი დიზაინი შექმნა

კვირის ეკონომიკური მონიტორი 9 - 15 ოქტომბერი, 2017

• იანვარ-სექტემბერში ექსპორტი 28,3%-ით გაიზარდა, იმპორტი 7,4%-ით. • 2016 წლის ბოლოს არაფინანსური კორპორაციების აქტივების მოცულობამ 51,3 მილიარდი ლარი შეადგინა. • კომერციული ბანკების მიერ...

სავალუტო ბაზრის მიმოხილვა ( 9- 14 ოქტომბერი, 2017 )

კვირის განმავლობაში ლარი აშშ დოლარის მიმართ გაუფასურდა 0.07%-ით, ევროსთან 1.01%-ით. მიმდინარე კვირაში ეროვნულ ბანკს სავალუტო ბაზარზე ინტერვენცია არ განუხორციელებია.