agora financeAGORANEWS

სააღდგომო კვერცხების შეღებვა და გაფორმება მსოფლიოს რამდენიმე ქრისტიანული კონფესიის საერთო ტრადიციაა და ხშირად ხელოვნების დონეზეა აყვანილი. BBC-მ მსოფლიოს სხვადასხვა კუთხეში გაფორმებული ყველაზე ლამაზი სააღდგომო კვერცხების ფოტოები შეკრიბა:

როგორც წესი, სააღდგომო კვერცხებს უკრაინაში რამდენიმე ფერის საღებავით ღებავენ. აქ ხშირად ნახავთ ეროვნული სიმბოლიკით გაფორმებულ კვერცხებს.

ჩეხეთში შეღებილი კვერცხები, რომლებიც 1 ფერის მუქი საღებავით შეღებეს და შემდეგ სპეციალური ინსტრუმენტით, აფხეკის წესით მიიღეს ორნამენტები.

გერმანიაში სააღდგომო კვერცხებს ფერადი ცვილით ღებავენ. შესაბამისად, კვერცხებზე დატანილი გამოსახულებები რელიეფურია და ძალიან ლამაზი.

უნგრეთში სააღდგომო კვერცხებს ხშირად მეტალის ან სხვა მასალის ფორმებში ათავსებენ. ასეთი სააღდგომო  კვერცხის საუკეთესო ნიმუშის დამზადებას რამდენიმე დღე სჭირდება.

სლოვაკეთში პოპულარულია მიკრობურღის საშუალებით კვერცხზე ორნამენტების ამოკვეთა და ამ საქმის რამდენიმე გამოჩენილი ოსტატი არსებობს. ასეთი კვერცხი, როგორც წესი, ბნელ სივრცეში, აქცენტირებული მინათების დროს ჩანს კარგად.

ბრიტანეთში ხშირად ამზადებენ შოკოლადის კვერცხებს და მათ სხვადასხვაგვარად აფორმებენ.