12:45 PM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
მსოფლიოს 2026 წლის საფეხბურთო ჩემპიონატს აშშ, მექსიკა და კანადა უმასპინძლებს
ლარის ოფიციალური გაცვლითი კურსი ხვალ

სიახლეები

საღამოს საკითხავი

საღამოს საკითხავი

13 ივნ 2018ექსკლუზივი

 

საღამოს საკითხავი

 

საქართველოს ეროვნული ბანკის მონეტარული პოლიტიკის კომიტეტმა 2018 წლის 13 ივნისს მიიღო გადაწყვეტილება რეფინანსირების განაკვეთის უცვლელად დატოვების შესახებ. 2018 წლის დასაწყისში ინფლაციის მაჩვენებელი შემცირდა და, არსებული პროგნოზების შესაბამისად, მიზნობრივ დონესთან (3 პროცენტი) ახლოს ნარჩუნდება. მაისში წლიურმა ინფლაციამ 2.5 პროცენტი შეადგინა. არსებული პროგნოზებით, სხვა თანაბარ პირობებში, ინფლაცია წლის განმავლობაში მიზნობრივი მაჩვენებლის ირგვლივ იმოძრავებს. ერთობლივი მოთხოვნა უახლოვდება, თუმცა ჯერ კიდევ ჩამორჩება პოტენციურ დონეს და, ამდენად, ინფლაციის მაჩვენებელზე კვლავ შემცირების მიმართულებით მოქმედებს. ბოლო პერიოდში რეგიონის ფინანსურ ბაზრებზე მაღალია მერყეობა, რომლის ფონზე გაზრდილია ჩვენი სავაჭრო პარტნიორი ქვეყნებიდან ინფლაციის გადმოცემის რისკები.

საქართველოს უკრაინის ეროვნული ბანკის პრეზიდენტი, იაკივ სმოლი ეწვია. ოფიციალურ სტუმრებს საქართველოს ეროვნული ბანკი მასპინძლობს. უკრაინის დელეგაციის ვიზიტის მთავარი მიზანი საქართველოს ეროვნული ბანკის მიერ გატარებული რეფორმების გაცნობა და განხორცილებული წარმატებული პროექტების შესახებ გამოცდილების გაზიარებაა. კობა გვენეტაძისა და იაკივ სმოლის შევედრაზე ორი ქვეყნის ცენტრალური ბანკის ხელმძღვანელმა ურთიერთთანამშრომლობის საკითხები განიხილეს. მიმოიხილეს რეგიონის ეკონომიკური მდგომარეობა და მიმდინარე მაკროეკონომიკური ტენდენციები. ვიზიტის ფარგლებში დაგეგმილია უკრაინის ცენტრალური ბანკის დელეგაციის სამუშაო შეხვედრები საქართველოს ეროვნული ბანკის მაკროეკონომიკისა და სტატისტიკის და ფინანსური სტაბილურობის ანალიზის დეპარტამენტების წარმომადგენლებთან.

ინიციატივას, რომელიც კალიფორნიის შტატის სამ ნაწილად გაყოფას გულისხმობს, ამერიკის მოქალაქეები ნოემბერში გამართულ არჩევნებზე შეაფასებენ. ამ საკითხის მემორანდუმზე გატანა მას შემდეგ გადაწყდა, რაც კალიფორნიის გაყოფის მოთხოვნის პეტიციამ 400 ათას მხარდამჭერზე მეტი მოაგროვა. ინფორმაციას სააგენტო CNN აქვეყნებს. ინიციატივა წამოაყენა და ხმების შეგროვების პროცესს ფინანსურ მხარდაჭერას უწევდა მილიარდერი ტიმ დრეიპერი. „კალიფორნიის სამ შტატად გაყოფა რეგიონს ინფრასტრუქტურის გაუმჯობესების საშუალებას მისცემს, გაუმჯობესდება სწავლის ხარისხი და მოწესრიგდება საგადასახადო სისტემა“, - თვლის მილიარდერი. თუ ინიციატივა რეფერენდუმში წარმატებას მიაღწევს, კალიფორნიის ადგილზე გაჩნდება სამი შტატი: ჩრდილოეთ კალიფორნია, სამხრეთ კალიფორნია და ახალი კალიფორნია.

რეიტინგების ავტორიტეტული სააგენტო Fitch მიიჩნევს, რომ სავაჭრო დაპირისპირება აშშ-სა და მის პარტნიორებს შორის გლობალური ეკონომიკის ზრდას ვერ შეაფერხებს. მთავარ ეკონომიკურ საფრთხედ სააგენტო აშშ-ში ინფლაციის სწრაფ ზრდას მიიჩნევს. შესაბამისი საკითხები განხილულია სააგენტოს უახლეს ანგარიშში Global Economic Outlook. აშშ-ში ინფლაცია 2007-09 წლების შემდეგ რჩებოდა სამიზნე 2%-იან ნიშნულზე დაბლა და მხოლოდ ბოლო რამდენიმე თვეში გაიზარდა, თანაც - ძალიან სწრაფად. Fitch-ის აზრით, ეს „ინფლაციურ შოკს“ გამოიწვევს და სახაზინო ობლიგაციების შემოსავლის გლობალურ კორექტირებას გამოიწვევს, ბაზარზე კი რყევებს გააძლიერებს. სამომხმარებლო ფასების ზრდამ აშშ-ში უკანასკნელ თვეში 2,8% შეადგინა.

დიდი ბრიტანეთის პრემიერ-მინისტრმა ტერეზა მეიმ განაცხადა, რომ ივნისში გასამართ ევროკავშირის სამიტზე რუსეთისთვის სანქციების გამკაცრებას მოითხოვს. „ევროკავშირის სამიტზე უამრავი თემა იქნება დღის წესრიგში, მათ შორის არის რუსეთისთვის სანქიცების გამკაცრება. მე დავაყენებ ამ სანქციების შენარჩუნებისა და სასანქციო რეჟიმის გაძლიერბის საკითხს, რადგან მინსკის შეთანხმება არ სრულდება“, - თქვა დიდი ბრიტანეთის პრემიერ-მინისტრმა. ამ დროისთვის რუსეთის წინააღმდეგ სამი სხვადასხვა ევროპული სანქციათა პაკეტი მუშაობს: ეკონომიკური, ინდივიდუალური შემზღუდავი ზომები და კონკრეტული სანქციები, რომლებიც ყირიმის ანექსიის გამოა დაწესებული. მოსალოდნელია, რომ ივნისის სამიტზე სანქციების შერბილების მომხრე იქნება იტალიის ახლად არჩეული პრემიერ-მინისტრი, ჯუზეპე კონტე.

მსგავსი სიახლეები

კვირის გრაფიკი

როგორ შეიცვალა ცხოვრების დონე პოსტ-საბჭოურ ქვეყნებში უკანასკნელი 35 წლის განმავლობაში?

15 ივლ 2019კვირის გრაფიკი

1980 წლების ბოლოს საქართველოში ცხოვრების დონე გაცილებით მაღალი იყო ვიდრე ყველა საბჭოთა რესპუბლიკაში რუსეთის გარდა. თუმცა 1990-იანი წლების კირზისმა საქართველოს ეკონომიკაზე გამანადგურებელი...

როგორ გაუფასურდა ლარი წლის დასაწყისიდან?

8 ივლ 2019კვირის გრაფიკი

წლის პირველ ნახევარში თურქული ლირა და ლარი აშშ დოლართან მიმაღტებაში ყველაზე მეტად გაუფასურდნენ. ეროვნული ბანკის მონაცემებით ლარი დოლართან შედარებით 6.8%-ით გაუფასურდა, ხოლო თურქული ლირა...

ლიბრა და ბიტკოინი

1 ივლ 2019კვირის გრაფიკი

Facebook-ს მალე საკუთარი ვალუტა ექნება, ლიბრა, რაც ახალი ვალუტის სახელწოდებაა, შესაძლებელს გახდის Facebook-ის მომხმარებლებისათვის განახორციელონ გადარიცხვები და საქონლის და მომსახურების შეძენა...

პოპულარული