01:05 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
Bloomberg: კოკა-კოლა გამაგრილებელ უალკოჰოლო სასმელებში მარიხუანას გამოყენებას გეგმავს
მუნ ჯე ინი ფხენიანს ეწვია

სიახლეები

ვინ წარადგენს საქართველოს ვენეციის ბიენალეზე?

 

ამ თემასთან დაკავშირებით, საქართველოს განათლების, მეცნიერების, კულტურისა და სპორტის სამინისტროში პრესკონფერენცია გაიმართა.

 

ღონისძიებას უძღვებოდნენ საქართველოს განათლების, მეცნიერების, კულტურისა და სპორტის მინისტრის პირველი მოადგილე მიხეილ გიორგაძე და სსიპ „შემოქმედებითი საქართველოს“ დირექტორი ანა რიაბოშენკო.

 

ვენეციის საერთაშორისო ხელოვნების ბიენალე, თანამედროვე ხელოვნების ყველაზე მასშტაბური და პრესტიჟული გამოფენაა, რომელიც 1895 წელს დაარსდა და უკვე 120 წელზე მეტს ითვლის. რიგით, 58-ე ხელოვნების საერთაშორისო გამოფენა, 2019 წლის 11 მაისიდან 24 ნოემბრამდე იტალიაში, ქალაქ ვენეციაში გაიმართება.

 

2019 წლის გამოფენის მთავარი თემაა “გეცხოვროთ საინტერესო დროს” (May You Live in Interesting Times). კურატორი - რალფ რუგოფი (Ralph Rugoff).

 

“გეცხოვროთ საინტერესო დროს”(May You Live in Interesting Times), ხელოვანთა იმ ნამუშევრებს გააერთიანებს, რომლებიც დამთვალიერებელს ობიექტებისა და გამოსახულებების, ჟესტებისა და სიტუაციების ახლებური გააზრების საშუალებას მისცემს.

 

„58-ე საერთაშორისო სახელოვნებო გამოფენა ხაზს გაუსვამს ზოგად მიდგომებს ხელოვნების შექმნაში და ხელოვნების აღქმას სოციუმში, რომელიც მოიაზრებს როგორც სიამოვნების მიღებას, ასევე კრიტიკულ აზროვნებას. ხელოვანები, რომლებიც ამ მიმართულებით აზროვნებენ, ხშირად განსხვავებულ აზრს შესძენენ ე.წ. ფაქტებს, კავშირების გაღრმავებით და ახალი შინაარსობრივი დატვირთვის მინიჭებით“.

 

საქართველოს ეროვნული პავილიონისათვის 74 კვ. მ ფართობის სივრცე ვენეციის ერთ-ერთ მთავარ საგამოფენო სივრცეში - „არსენალეზეა“ გამოყოფილი; თანხა გამარჯვებული პროექტისათვის შეადგენს 160 000 ლარს.

 

კონკურსზე განაცხადების მიღება 2018 წლის 12 სექტემბერს დაიწყო და ამავე წლის 26 ოქტომბერს, 17:00 საათზე დასრულდება. საკონკურსო კომისია გამარჯვებულ და სარეზერვო პროექტებს, მაქსიმუმ, 10 სამუშაო დღის ვადაში გამოავლენს. განაცხადები მიიღება შემდეგ ელექტრონულ მისამართზე:

biennale@creativegeorgia.ge.

 

დეტალური ინფორმაცია, საკონკურსო პირობებისა და შერჩევის წესის შესახებ იხილეთ ბმულზე: http://creativegeorgia.ge/cg/News/biennale.aspx

 

დამატებითი ინფორმაციისათვის ეწვიეთ სსიპ „შემოქმედებითი საქართველოს“ ვებ გვერდს: creativegeorgia.ge

მსგავსი სიახლეები

კვირის გრაფიკი

რატომ გვჭირდება ბანკები?

18 მარ 2019კვირის გრაფიკი

      ბანკები უმნიშვნელოვანეს დადებით როლს თამაშობენ საქართველოს ეკონომიკაში. ბანკებში შესაძლებელია დანაზოგის უსაფრთხოდ შენახვა და, ამავე დროს, სარგებლის მიღება, უსაფრთხოდ და...

ავტოკატასტროფებში დაღუპულთა ზრდით საქართველო მსოფლიოში პირველია

11 მარ 2019კვირის გრაფიკი

    საქართველო საგზაო შემთხვევების შედეგად დაღუპულთა რიცხვის ზრდით (2006-2016 წლებში) მსოფლიოში პირველ ადგილს იკავებს. საქართველოში საგზაო შემთხვევებში დაღუპულთა რაოდენობამ 2006-2016...

სად გადის საქართველოდან საექსპორტო საქონელი?

4 მარ 2019კვირის გრაფიკი

    საქსტატის მონაცემებით, 2018 წელს საქართველოდან  3.3 მილიარდი აშშ დოლარის ღირებულების საქონლის ექსპორტი განხორციელდა, რაც 1995 წლის ექსპორტის მონაცემებს 22-ჯერ აღემატება. სამი...