23:46 PM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
საჭადრაკო ოლიმპიადის გახსნამდე 2 დღე რჩება
წიგნის ეროვნული ცენტრი ფრანკფურტისთვის 72 ქართველ ავტორს ახალი ვიდეორგოლით წარადგენს

სიახლეები

ირაკლი კობახიძე: „საქართველო უნდა გახდეს რეგიონში ცენტრი განათლების, მეცნიერების და ტექნოლოგიების მიმართულებით“

 

„მომავალი ნამდვილად ეკუთვნის მეცნიერებას, ინოვაციებს, ტექნოლოგიებს და ჩვენთვის ძალიან მნიშვნელოვანია, რომ მაქსიმალურად მეტი ახალგაზრდა იყოს ჩართული მეცნიერებაში, კვლევებში, ინოვაციების განვითარებაში, ტექნოლოგიების განვითარებაში - ეს არის და იქნება ერთ-ერთი მთავარი პრიორიტეტი“, - ამის შესახებ საქართველოს პარლამენტის თავმჯდომარე ირაკლი კობახიძემ „მეცნიერების და ინოვაციების ფესტივალი 2018“-ის საზეიმო გახსნაზე სიტყვით გამოსვლისას განაცხადა.

 

ირაკლი კობახიძის თქმით, სიმბოლურია, რომ ფესტივალს თბილისის სახელმწიფო უნივერსიტეტი მასპინძლობს.

 

პარლამენტის თავმჯდომარემ ხაზგასმით აღნიშნა, რომ ხელისუფლებისთვის ერთ-ერთი მთავარი პრიორიტეტი იქნება მეცნიერების, ინოვაციებისა და ტექნოლოგიების განვითარების მიმართულებით ახალი ინიციატივების წამოწყება.

 

„სიმბოლურია, რომ ამ ფესტივალს მასპინძლობს თბილისის სახელმწიფო უნივერსიტეტი, ის უნივერსიტეტი, რომლის სათავეებთანაც იდგნენ ჩვენი ყველაზე დიდი ქართველი მეცნიერები. მომავალი ნამდვილად ეკუთვნის მეცნიერებას, ინოვაციებს, ტექნოლოგიებს და ჩვენთვის ძალიან მნიშვნელოვანია, რომ მაქსიმალურად მეტი ახალგაზრდა იყოს ჩართული მეცნიერებაში, კვლევებში, ინოვაციების განვითარებაში, ტექნოლოგიების განვითარებაში და ეს არის და იქნება, რა თქმა უნდა, ჩვენთვის ერთ-ერთი მთავარი პრიორიტეტი. ჩვენთვის პრიორიტეტი იქნება ამ მიმართულებით ახალი ინიციატივების წამოწყება და როგორც მოგეხსენებათ, მთავრობა გამოვიდა ინიციატივით, უახლოეს მომავალში გაორმაგდეს დაფინანსება, რომელიც სახელმწიფო ბიუჯეტიდან ჩაიდება მეცნიერების და ტექნოლოგიების, განათლების დაფინანსებისთვის. ეს არის ძალიან მნიშვნელოვანი ინიციატივა“, - განაცხადა ირაკლი კობახიძემ.

 

საქართველოს პარლამენტის თავმჯდომარის თქმით, საქართველო რეგიონში განათლების, მეცნიერებისა და ტექნოლოგიების კუთხით ჰაბი უნდა გახდეს. მისივე განცხადებით, მნიშვნელოვანია, ამ მიმართულებით ბევრი ახალგაზრდა დაინტერესდეს.

 

„ჩვენ ვფიქრობთ, რომ საქართველო უნდა გახდეს რეგიონში ცენტრი, ნამდვილი ჰაბი განათლების, მეცნიერების და ტექნოლოგიების მიმართულებით. მე გავეცანი დღევანდელ გამოფენას და ვნახე, თუ რამდენი ნიჭიერი ახალგაზრდა ჰყავს ჩვენს ქვეყანას. ძალიან მნიშვნელოვანია, რომ მეცნიერებით, ინოვაციებით, ტექნოლოგიებით აღვაფრთოვანოთ ძალიან ბევრი ახალგაზრდა და ამაში არის ნამდვილად ძალიან დიდი პერსპექტივა“, - განაცხადა სიტყვით გამოსვლისას ირაკლი კობახიძემ.

 

ფესტივალი, რომელიც ივანე ჯავახიშვილის სახელობის თბილისის სახელმწიფო უნივერსიტეტის პირველი კორპუსის ეზოში გაიხსნა, 1 ოქტომბრის ჩათვლით გაგრძელდება.

მსგავსი სიახლეები

კვირის გრაფიკი

საქართველო და კორონავირუსის ტესტის პოზიტიურობა

1 ივნ 2020კვირის გრაფიკი

       საქართველოს ევროპის ქვეყნებს შორის კორონავირუსის პოზიტიურობის ერთ-ერთი ყველაზე დაბალი მაჩვენებელი აქვს. პოზიტიურობის მაჩვენებელი არის შეფარდება ინფიცირებულთა რიცხვსა და...

როგორ მოქმედებს სამთავრობო ღონისძიებების სიმკაცრე კორონავირუსის შემთხვევებზე?

25 მაი 2020კვირის გრაფიკი

       მთავრობების მიერ გატარებული ღონისძიებების სიმკაცრე არაერთგვაროვნად მოქმედებს კორონავირუსის გავრცელებაზე. ოქსფორდის უნივერსიტეტის 100-ზე მეტი მკვლევარის მიერ შედგენილ იქნა...

ფულადი გზავნილების ვარდნა აპრილში

18 მაი 2020კვირის გრაფიკი

       საქართველოში გასულ ორ თვეში ჩარიცხულმა ფულად გზავნილებმა მკვეთრი შემცირება განიცადა წინა წელთან შედარებით. საქართველოს ეროვნული ბანკის მონაცემებით საქართველოში 2020 წლის...