agora financeAGORANEWS

გაეროს საერთშრისო სასამართლომ აშშ-ის მიერ ირანისთვის დაწესებული სანქციების ნაწილი შეაჩერა. ოფიციალური თეირანი გადაწყვეტილებას უკვე მიესალმა. ინფორმაციას ამის შესახებ Tasnim ავრცელებს. 

"ირანი მიესალმება საერთაშორისო სასამართლოს გადაწყვეტილებას აშშ-ის უკანონო მოქმედებების წინააღმდეგ", - ნათქვამია ირანის ადმინისტრაციის ოფიციალურ განცხადებაში. 

ირანში მიაჩნიათ, რომ ეს გადაწყვეტილება ირანის სიმართლესა და აშშ-ის სიცრუეს ადასტურებს. თეირანში აღნიშნეს, რომ ირანი ბირთვულ იარაღს არ აწარმოებს და აშშ მათ ტყუილად სდებს ბრალს. 

დღეს გაეროს საერთაშორისო სასამართლომ ნაწილობრივ დააკმაყოფილა ირანის სარჩელი აშშ-ის წინააღმდეგ. სასამართლომ აუკრძალა აშშ-ის ირანისთვის ექსპორტის შეზღუდვა და მოუწოდა მხარეებს, პრობლემები მოლაპარაკების გზით გადაჭრან.  

შეგახენებთ, ბირთვული შეთანხმება თეირანთან  2015 წელს გააფორმა 6-მა დიდმა სახელმწიფომ: რუსეთმა, დიდმა ბრიტანეთმა, ჩინეთმა, აშშ-მ, საფრანგეთმა და გერმანიამ. 2018 წლის მაისში შეთანხმება ცალმხრივად გაწყვიტა აშშ-ის პრეზიდენტმა.