02:04 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
დონალდ ტუსკი: პოლონეთი ევროკავშირიდან გასვლასთან ახლოს არის
აშშ-ის კონგრესის წარმომადგენელთა პალატაში რესპუბლიკელები უპირატესობას კარგავენ

სიახლეები

UNDP და შვეიცარიის მთავრობა მეტ დახმარებას გაუწევენ პროფესიული განათლებისა და გადამზადების სისტემის განვითარებას საქართველოში

 

2018-2022 წელს შვეიცარიის მთავრობის მიერ გამოყოფილი 6 მილიონი აშშ დოლარი საქართველოს სოფლის მეურნეობაში პროფესიული განათლებისა და გადამზადების სისტემის განვითარებაზე დაიხარჯება. ოთხწლიან ინიციატივას განახორციელებს გაეროს განვითარების პროგრამა (UNDP) საქართველოს განათლების, მეცნიერების, კულტურისა და სპორტის და საქართველოს გარემოს დაცვისა და სოფლის მეურნეობის სამინისტროებთან მჭიდრო თანამშრომლობით. 2018 წლის 6 ნოემბერს მხარეებმა პროექტის დოკუმენტს მოაწერეს ხელი.

 

„პროფესიული განათლებისა და გადამზადების თანამედროვე სისტემის შექმნა საქართველოს ერთერთი საკვანძო მიმართულებაა, რომელიც სამინისტროს მიერ აისახა განათლების სისტემის რეფორმის დოკუმენტში, როგორც მნიშვნელოვანი პრიორიტეტი, და რომელიც მილიონობით ადამიანზე მოახდენს გავლენას. ახალი მოდელებისა და მიდგომების შემოღების შედეგად პროფესიული განათლება ეკონომიკის ყველა სექტორის, მათ შორის, სოფლის მეურნეობის განვითარების განუყოფელი ნაწილი გახდება“, - განაცხადა ირინა აბულაძემ, საქართველოს განათლების, მეცნიერების, კულტურისა და სპორტის მინისტრის მოადგილემ.

 

საქართველოს გარემოს დაცვისა და სოფლის მეურნეობის მინისტრის მოადგილემ, გიორგი ხანიშვილმა, ხაზი გაუსვა, რომ სოფლის მეურნეობაში პროფესიული განათლებისა და გადამზადების ახალი ხედვა სოფლის ეკონომიკის განვითარებას, სამუშაო ადგილების შექმნასა და შემოსავლების ზრდას შეუწყობს ხელს.

 

გაეროს განვითარების პროგრამა (UNDP) და შვეიცარიის განვითარებისა და თანამშრომლობის სააგენტო (SDC) უკვე ათ წელზე მეტია ხელს უწყობენ საქართველოში პროფესიული განათლებისა და გადამზადების სისტემის რეფორმას. მათი ახალი ინიციატივა ამ გრძელვადიანი დახმარების წარმატებებსა და გამოცდილებას ეყრდნობა.

 

UNDP-სა და შვეიცარიის მთავრობის დახმარების შედეგად, გასული ხუთი წლის მანძილზე საქართველოს შვიდ კოლეჯში 20 ახალი მოდულური სასწავლო პროგრამა და 24 ტრენინგ კურსი დაინერგა. მათ შორის, კახეთში, სამეგრელო-ზემო სვანეთში, რაჭაში, იმერეთსა და სამცხე-ჯავახეთში. გარდა ამისა, გაიზარდა სოფლის მეურნეობის პროფესიებში სასწავლო პროცესის ხარისხი და მასწავლებელთა მომზადების დონე, შვიდ კოლეჯში დაიწყო სამუშაოზე დაფუძნებული სწავლების პილოტირება.

 

სოფლის მეურნეობაში პროფესიული განათლებისა და გადამზადების ხელშეწყობა 2022 წლის ბოლომდე გაგრძელდება. ინიციატივას განახორციელებს გაეროს განვითარების პროგრამა (UNDP) შვეიცარიის განვითარებისა და თანამშრომლობის სააგენტოს (SDC) დაფინანსებით და საქართველოს მთავრობასთან მჭიდრო თანამშრომლობით. პროექტის განხორციელებაში ჩაერთვება პარტნიორებისა და დაინტერესებული მხარეების მთელი რიგი, მათ შორის საქართველოს ფერმერთა ასოციაცია, პროფესიული კოლეჯები, ფერმერთა ექსტენციის საჯარო და კერძო მიმწოდებლები, უნივერსიტეტები და ადგილობრივი მოსახლეობა.

 

მსგავსი სიახლეები

კვირის გრაფიკი

რატომ გვჭირდება ბანკები?

18 მარ 2019კვირის გრაფიკი

      ბანკები უმნიშვნელოვანეს დადებით როლს თამაშობენ საქართველოს ეკონომიკაში. ბანკებში შესაძლებელია დანაზოგის უსაფრთხოდ შენახვა და, ამავე დროს, სარგებლის მიღება, უსაფრთხოდ და...

ავტოკატასტროფებში დაღუპულთა ზრდით საქართველო მსოფლიოში პირველია

11 მარ 2019კვირის გრაფიკი

    საქართველო საგზაო შემთხვევების შედეგად დაღუპულთა რიცხვის ზრდით (2006-2016 წლებში) მსოფლიოში პირველ ადგილს იკავებს. საქართველოში საგზაო შემთხვევებში დაღუპულთა რაოდენობამ 2006-2016...

სად გადის საქართველოდან საექსპორტო საქონელი?

4 მარ 2019კვირის გრაფიკი

    საქსტატის მონაცემებით, 2018 წელს საქართველოდან  3.3 მილიარდი აშშ დოლარის ღირებულების საქონლის ექსპორტი განხორციელდა, რაც 1995 წლის ექსპორტის მონაცემებს 22-ჯერ აღემატება. სამი...