23:20 PM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
უკრაინა რუსეთისთვის ბოსფორის სრუტის ჩაკეტვას მოითხოვს
UNODC: მსოფლიოში, მათი ნათესავები და პარტნიორები ყოველდღიურად 137 ქალს კლავენ

სიახლეები

კვლევა: ქართველი სტუდენტები სხვა ევროპელ სტუდენტებზე თავდაჯერებულები არიან

 

უმაღლესი საგანმამანათლებლო დაწესებულებები საქართველოში შრომის ბაზრისთვის მოსამზადებელი ყველაზე პრესტიჟული დაწესებულებებია. ეს სტატია უსდ-ების სტუდენტების დასაქმებისთვის მზადყოფნას ეხება და ევროპის ქვეყნებში განხორციელებულ საერთაშორისო კვლევა ევროსტუდენტი VI-ის შედეგებს ეყრდნობა.[1]

 

საქართველოში უმაღლესი საგანმანათლებლო დაწესებულებების სტუდენტები ადგილობრივ შრომის ბაზარზე დასაქმებისთვის მზადყოფნას მკვეთრად ოპტიმისტურად აფასებენ, მიუხედავად იმისა, რომ უმუშევრობის პრობლემა საქართველოს ეკონომიკის ერთ-ერთი მთავარი გამოწვევაა უმუშევრობის 13.9%-იანი მაჩვენებლით[2]. უფრო მეტიც, კვლევის მონაწილე სხვა ევროპულ ქვეყნებს შორის, საქართველოს უსდ-ების სტუდენტებს ყველაზე მაღალი მზაობა აქვთ ადგილობრივ შრომის ბაზარზე დასაქმებისთვის. მეტი სიზუსტისთვის, დასაქმების მაღალი მზადყოფნა აქვს საქართველოს უსდ-ების პროგრამების სტუდენტთა 80%-ს.

 

შეიძლებოდა გვევარაუდა, რომ უმაღლესი განათლების მქონე კადრებით გაჯერებული შრომის ბაზარი სტუდენტებისთვის არ წარმოადგენს დასაქმებისთვის მზადყოფნის დაბალი შეფასების საფუძველს, რადგან ისინი შესაძლოა არაკონკურენტუნარიანებად, თუმცა ხარისხიანი განათლების შედეგად მომზადებულ, მომავალ კვალიფიცურ კადრებად გრძნობენ თავს. თუმცა, სტუდენტების თვითშეფასების განხილვა საერთაშორისო ბაზარზე დასაქმების მზადყოფნასთან მიმართებაში, ცხადყოფს, რომ სტუდენტების თვითშეფასება ცალსახად მაღალია.

 

საქართველოს უსდ-ებში გამოკითხული სტუდენტების ნახევარი (51%) ფიქრობს, რომ საერთაშორისო ბაზარზე დასაქმებისთვის, მიმდინარე სასწავლო პროგრამის დამთავრების შემდეგ, (ძალიან) კარგად მომზადებული იქნება. მათი თვითშეფასება საერთაშორისო ბაზარზე დასაქმების მზადყოფნის კუთხით, უფრო მაღალია, ვიდრე მაგალითად, ავსტრიის (42%), საფრანგეთის (39%) ან ნორვეგიის უნივერსიტეტების სტუდენტებისა (24%).

 

ქართული უსდ-ების სტუდენტები ამ საკითხთან დაკავშირებით, ევროპული ქვეყნების სტუდენტებთან შედარებით, თვითშეფასებაში უმნიშვნელოდ ჩამორჩებიან მხოლოდ ფინეთის (55%) და ირლანდიის (52%) უნივერსიტეტების სტუდენტებს.

 


[1] წყარო: http://www.eurostudent.eu/

[2] წყარო: http://www.lmis.gov.ge/Lmis/Lmis.Portal.Web/Handlers/GetFile.ashx?Type=Content&ID=7932b932-0eac-4a14-8ebd-9ec6d2409352

 

 

"აიფიემ კვლევები"

მსგავსი სიახლეები

კვირის გრაფიკი

როგორ მოქმედებს სამთავრობო ღონისძიებების სიმკაცრე კორონავირუსის შემთხვევებზე?

25 მაი 2020კვირის გრაფიკი

       მთავრობების მიერ გატარებული ღონისძიებების სიმკაცრე არაერთგვაროვნად მოქმედებს კორონავირუსის გავრცელებაზე. ოქსფორდის უნივერსიტეტის 100-ზე მეტი მკვლევარის მიერ შედგენილ იქნა...

ფულადი გზავნილების ვარდნა აპრილში

18 მაი 2020კვირის გრაფიკი

       საქართველოში გასულ ორ თვეში ჩარიცხულმა ფულად გზავნილებმა მკვეთრი შემცირება განიცადა წინა წელთან შედარებით. საქართველოს ეროვნული ბანკის მონაცემებით საქართველოში 2020 წლის...

კორონავირუსით გამოწვეული სიკვდილიანობის შედარება

11 მაი 2020კვირის გრაფიკი

       საქართველოს ევროპის ქვეყნებს შორის კორონავირუსით გამოწვეული სიკვდილიანობის ერთ-ერთი ყველაზე დაბალი მაჩვენებელი აქვს. სიკვდილიანობის დონე გამოითვლება როგორც გარდაცვლილთა...

პოპულარული

ფულადი გზავნილების ვარდნა აპრილში

ფულადი გზავნილების ვარდნა აპრილში

18 მაისი, 2020კვირის გრაფიკი