07:01 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
ენერგოომბუდსმენი ახსნა-განმარტებას შპს ,,ყაზტრანსგაზ-თბილისისგან" მოითხოვს
TEN-T-ის საინვესტიციო გეგმის თანახმად, საქართველოში დაგეგმილი პროექტების ღირებულება 3.4 მილიარდი ევროა

სიახლეები

გიორგი ქობულია: მზად ვართ გავითვალისწინოთ ტურიზმის საბჭოს ყველა კომენტარი

 

ტურიზმის სფეროში არსებული გამოწვევები და მნიშვნელოვანი საკითხები განიხილეს გიორგი ქობულიასა და ტურიზმის სექტორის წარმომადგენელთა შეხვედრაზე,  რომელიც საქართველოს ინვესტორთა საბჭოს ინიციატივით ეკონომიკისა და მდგრადი განვითარების სამინისტროში გაიმართა. 

 

გიორგი ქობულიამ შეხვედრაზე მოწვეულ კომპანიებთან პრეზენტაცია ჩაატარა და მათ დეტალურად გააცნო ეკონომიკის სამინისტროს სტრატეგია, რომელიც ტურიზმის სექტორის განვითარებისა და ხელშეწყობისთვის სამომავლოდ არაერთ მნიშვნელოვან მიმართულებას ითვალისწინებს.

 

„ეს არის ხალხი, ვინც რეალურად წარმოადგენს ტურიზმის სექტორს და იცის ტურიზმის პრობლემების შესახებ. მისასალმებელია, რომ მათ მოიწონეს ჩვენი ხედვა და გაგვიმტკიცეს განცდა, რომ ტურიზმის განვითარების ჩვენი სტრატეგია პრინციპულად სწორია, თუმცა, ჩვენ ასევე მოვისმინეთ მათი მოსაზრებები იმ სფეროებზე, რომელსაც მეტი გაუმჯობესება სჭირდება. მათ შორის, საუბარია ისეთ ინფრასტრუქტურულ პროექტებზე, როგორიცაა, მაგალითად, დიდი ტევადობის საკონფერენციო სივრცეების შექმნა თბილისსა და ბათუმში. რა თქმა უნდა,  მზად ვართ გავითვალისწინოთ ტურიზმის საბჭოს ყველა კომენტარი და ვფიქრობ, ასეთი საერთო ძალისხმევით კიდევ უფრო მეტ შედეგებს მივაღწევთ“, - განაცხადა გიორგი ქობულიამ.

 

ინვესტორთა საბჭოს სამდივნოს ხელმძღვანელის, მარიამ მეღვინეთუხუცესის შეფასებით, ძალიან მნიშვნელოვანია, რომ საბჭოსთან არსებულმა ტურიზმის სამუშაო ჯგუფმა მინისტრთან გაცვალა პირველადი იდეები, თუ როგორია იმ საკითხების ხედვა, რომლებიც გადასაწყვეტია სამომავლოდ ტურიზმის მზარდი სექტორის სწრაფი და მდგრადი განვითარებისთვის. 

 

როგორც შეხვედრის დასრულების შემდეგ ტურიზმის სამუშაო ჯგუფის ერთ-ერთმა წევრმა, კომპანია “სი ბი სი ჯორჯიას“ დამფუძნებელმა საბა კიკნაძემ განაცხადა, მიმდინარე პროცესში ჩანს, რა ვექტორს იღებს მთავრობის ხედვა ტურიზმის ინდუსტრიასთან დაკავშირებით. „შეხვედრაზე, ჩემი აზრით, პრაქტიკულად ყველა პრობლემა იყო დეკლარირებულ;ი,   მათ შორის ის, რომ უნდა გადავერთოთ მაღალხარჯვითუნარიან ბაზრებზე, რომ საჭიროა განვითარდეს ინფრასტრუქტურა და მოხდეს კადრების კვალიფიკაციის ზრდის ხელშეწყობა, რათა უფრო ხარისხიანი იყოს ტურიზმის მომსახურების სფეროში არსებული სერვისები. ასევე ვისაუბრეთ საშუალო და მოკლევადიან პერსპეტივაში გადასადგმელ ნაბიჯებზე“ - აღნიშნა საბა კიკნაძემ.

 

ინვესტორთა საბჭო საქართველოს პრემიერ-მინისტრთან არსებული დამოუკიდებელი საკონსულტაციო ორგანოა, რომელიც მიზნად ისახავს დიალოგის წარმოებას კერძო სექტორის მეწარმე სუბიექტებს, საერთაშორისო ორგანიზაციებს, დონორებსა და საქართველოს მთავრობას შორის ხელსაყრელი, არადისკრიმინაციული, გამჭვირვალე და სამართლიანი ბიზნეს და საინვესტიციო კლიმატის შესაქმნელად.

 

მსგავსი სიახლეები

კვირის გრაფიკი

საქართველოში კორონავირუსის გავრცელების პროგნოზი (ნოემბერი-დეკემბერი)

23 ნოე 2020კვირის გრაფიკი

       საქართველოში კორონავირუსის შემთხვევების არსებული ტემპით ზრდის შემთხვევაში დაინფიცირებულთა რაოდენობა ერთ თვეში კიდევ 2.4-ჯერ გაიზრდება. Worldometer-ის მონაცემებით 22 ნოემბერს...

კორონავირუსი და ვაქცინა

16 ნოე 2020კვირის გრაფიკი

            დღეს მსოფლიოში ოფიციალურად 170-ზე მეტი ვაქცინის კანდიდატის გამოცდა მიმდინარეობს. The Guardian-ის მონაცემებით 170-ზე მეტი ვაქცინიდან ჯერ ჯერობით არცერთი არ არის დამტკიცებული და...

საქართველოს უმსხვილესი კომპანიები

9 ნოე 2020კვირის გრაფიკი

            საქართველოში ოცი უმსხვილესი კომპანიის აქტივები 11.6 მილიარდ ლარს აღემატება. Forbes-ის მონაცემებით მთლიანი ოდენობის დაახლოებით 60% მოდის რვა კომპანიაზე (6.7 მილიარდი ლარი), საიდანაც...