agora financeAGORANEWS

ევროპარლამენტი მოუწოდებს დიდი ბრიტანეთის მთავრობას, უახლოეს დღეებში ნათელი მოჰფინოს ვითარებას "ბრექსიტთან" დაკავშირებით და საჯარო გახადოს მათი ოფიციალური გეგმები და პოზიცია. 

მოლაპარაკება აჟამად ჩიხურ ვითარებაშია შესული. მიუხედავად იმისა, რომ ევროკავშირის წევრმა ქვეყნებმა ბრიუსელისა და ლონდონის შეთანხმების რატიფიცირება მოახდინეს, ბრიტანეთის პარლამეტნმა "ბრექსიტის" ეს პროექტი არ მოიწონა და არავინ იცის, რა მოხდება მომავლაში. 

ამ საკითხებზე საუბარია ევროპარლამენტის საკოორდინაციო ჯგუფის განცხადებაში, რომელიც დღეს გავრცელდა: " ბრექსიტის საკითხებში ევროპარლამენტის საკოორდინაციო ჯგუფმა დღეს განიხილა დიდი ბრიტანეთის მიერ ევროკავშირის დატოვების საკითხი", - ვკითხულობთ დოკუმენტში. 

ჯგუფი მიიჩნევს, რომ ბრიტანეთის მთავრობამ ჩიხური მდგომარეობიდან გამოსვლა პარტნიორებთან მოლაპარაკებისა და თანამშრომლობის გზით უნდა სცადოს.  

"ველით, რომ ბრიტანული მხარე რაც შეიძლება მალე წარმოგვიდგენს პოზიტიურ და სიცოცხლისუნარიან გეგმასა და წინადადებებს ამ საკითხთან დაკავშირებით", - ნათქვამია განცხადებაში.

მიუხედავად ამისა, ბუნდოვანია, რას ელის ევროპარლამენტი დიდი ბრიტანეთის მთავრობისგან, რადგან ამავე დოკუმენტში ვკითხულობთ, რომ, ევროპარლამენტს არსებული შეთანხმება "სამართლიანად" მიაჩნია და მისი შეცვლის სურვილი არ აქვს.