agora financeAGORANEWS

"დიახ, ჩვენ რუსეთთან ვაწარმოებთ მოლაპარაკებას და ალბათ, რუსეთისგან შევისყიდით გაზს", - ეს განცხადება საქართველოს ეკონომიკისა და მდგრადი განვითარების მინისტრმა, გიორგი ქობულიამ გააკეთა.

პარლამენტში გამოსვლისას ქობულიამ აღნიშნა, რომ ეს საკმაოდ მნიშვნელოვანი ინიციატივაა და საჭიროა, ბუნებრივი აირის ერთზე მეტი მომწოდებელი ჰყავდეს ქვეყანას:

„ეს არის მნიშვნელოვანი ინიციატივა, რომ შევქმნათ საშუალება, ერთზე მეტი მომწოდებელი იყოს გაზის. დიახ, ჩვენ რუსეთთან ვაწარმოებთ მოლაპარაკებას და, ალბათ, რუსეთისგან შევისყიდით გაზს, იმის ფარგლებში, რაც მოგვცემს საშუალებას, რომ ენერგოუსაფრთხოება და ენერგო დამოუკიდებლობა შევინარჩუნოთ.

ჩვენ პირობების გაუმჯობესებაზე მიგვყავს მოლაპარაკებები. იმიტომ, რომ შევქმნათ დივერსიფიკაცია და იყოს კონკურენტული ფასები გაზზე.

გვინდა, რომ შევქმნათ გაზის დივერსიფიკაცია. ჩვენ რუსეთისგან ყოველთვის ვყიდულობდით გაზს. როცა მოლაპარაკება შედგება, ფასს გეტყვით,“-  განაცხადა გიორგი ქობულიამ.