agora financeAGORANEWS

მიუხედავად აშშ-ის მიერ დაწესებული მკაცრი სანქციებისა, რომელიც ძირითდად ქვეყნის ენერგეტიკული სექტორის წინააღმდეგ არის მიმართული, 2019 წელს ირანმა ნავთობის ექსპორტი გაზარდა, - წერს სააგენტო Reuters, კომპანია Refinitiv Eikon-ის ინფორმაციაზე დაყრდნობით. 

ნავთობის საშუალო დღეღამურმა ექსპორტმა ირანიდან იანვარში 1,1 მილიონი ბარელი შეადგინა, წერს სააგენტო. მოსალოდნელია, რომ ეს მაჩვენებელი თებერვალში 1,3 მილიონ ბარელამდე გაიზრდება.  

დეკემბერში ირანი, საშუალოდ, დღე-ღამეში 0,94 მილიონ ბარელ ნავთობს ყიდდა. ირანს ნავთობის ექსპორტის ტემპის ზრდაში დაეხმარა ევროკავშირის ე.წ. "დაბლოკვის რეგლამენტი", რომელიც ირანის წინააღმდეგ დაწესებული ამერიკული სანქციების ევროკავშირის ტერიტორიაზე შესაჩერებლად იქნა შემუშავებული. 

მექანიზმი იცავს ევროპულ კომპანებიებს, რომლებიც ირანში ახორციელებელ პროფესიულ საქმიანობას.  

შეგახენებთ, ბირთვული შეთანხმება თეირანთან  2015 წელს გააფორმა 6-მა დიდმა სახელმწიფომ: რუსეთმა, დიდმა ბრიტანეთმა, ჩინეთმა, აშშ-მ, საფრანგეთმა და გერმანიამ. 2018 წლის მაისში შეთანხმება ცალმხრივად გაწყვიტა აშშ-ის პრეზიდენტმა და სასანქციო რეჟიმი აღადგინა.