06:56 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
უცნაური შემთხვევა აშშ-ში: დამანგრეველი სტიქიის ეპიცენტრში ერთი სახლი ხელუხლებლად გადარჩა (ვიდეო)
თბილისში მცხოვრებ 20 ოჯახს საცხოვრებელი ფართები სიმბოლურ ფასად გადაეცემა

სიახლეები

რამდენად მომგებიანია საქართველოსთვის "გაზპრომთან" დადებული ახალი ხელშეკრულება

 

„ეკონომიკისა და მდგრადი განვითარების სამინისტრომ დაასრულა მოლაპარაკებები კომპანია „გაზპრომთან“ რუსული გაზის სომხეთში ტრანზიტთან დაკავშირებით“ - ამის შესახებ ეკონომიკისა და მდგრადი განვითარების მინისტრის მოადგილემ, ნათია თურნავამ მთავრობის სხდომის დასრულების შემდეგ ჟურნალისტებს განუცხადა. მისი თქმით, მოლაპარაკებები იყო საკმაოდ რთული და ხანგრძლივი, თუმცა, ქართულმა მხარემ მიაღწია საგრძნობ გაუმჯობესებას ორი პოზიციით - გაიზარდა სატრანზიტო საფასური, რომელსაც „გაზპრომი“ საქართველოს გადაუხდის  და შემცირებულია რუსული გაზის ფასი, თუ რომელიმე კერძო ბიზნესი, კომპანია დაინტერესდება ამ ალტერნატივით.

 

„ჩვენ ვხელმძღვანელობდით ორი ძირითადი პრინციპით - პირველ რიგში, ეს არის ჩვენი ქვეყნის ენერგეტიკული დამოუკიდებლობა და უსაფრთხოება. მეორე ამოცანა იყო პოზიციების გაუმჯობესება „გაზპრომთან.“ რაც შეეხება ენერგეტიკულ დამოუკიდებლობას, შემიძლია გითხრათ, რომ საქართველოს ბაზრის ორი უმნიშვნელოვანესი სტრატეგიული სეგმენტი - მოსახლეობა და ელექტროენერგიის წარმოება სრულად მარაგდება და კვლავაც მომარაგდება აზერბაიჯანული გაზით ანუ  აზერბაიჯანი გაზის სფეროში კვლავ რჩება ჩვენს მთავარ მომწოდებლად და სტრატეგიულ პარტნიორად, უფრო მეტიც - აზერბაიჯანული გაზის წილი უახლოეს წლებში კიდევ უფრო გაიზრდება საქართველოს ბაზარზე შაჰდენიზის მეორე ფაზის სრულფასოვანი ამოქმედების კვალობაზე და საქართველოს, როგორც სატრანზიტო, მათ შორის აზერბაიჯანული გაზის სატრანზიტო ქვეყანას გააჩნია სრული საკუთარი რესურსი, რომ მოსახლეობა, სოციალური სექტორი და ელექტროენერგიის წარმოება მოამარაგოს აზერბაიჯანული გაზის წყაროთი“ - განაცხადა ნათია თურნავამ.

 

რაც შეეხება მეორე ამოცანას, რომელიც საქართველოს პოზიციების გაუმჯობესებას გულისხმობდა „გაზპრომთან“ შეთანხმებაში, მინისტრის მოადგილის თქმით, ეს მიზანიც მიღწეულია - ჩვენ შევძელით და მივაღწიეთ საგრძნობ გაუმჯობესებას ორივე პოზიციით - სატრანზიტო საფასური, რომელსაც ჩვენ გვიხდიან, გაზრდილია, ხოლო რუსული გაზის ფასი შემცირებულია იმ შემთხვევაში, თუ რომელიმე კერძო ბიზნესი, კომპანია დაინტერესდება ამ ალტერნატივით“ - აღნიშნა ნათია  თურნავამ.

 

მისივე განმარტებით, „გაზპრომთან“ შეთანხმება წარმოადგენს კომერციულ საიდუმლოს. „ორი წლის წინ შეთანხმება ამ ფორმატში იყო დადებული და დღეს ჩვენ ვაგრძელებთ ამ ხელშეკრულებას და შესაბამისად, კონკრეტულ დეტალებზე ვერ ვისაუბრებთ.  ხელშეკრულება გახანგრძლივდა ორი წლით და იმოქმედებს 2019-2020 წლების განმავლობაში“ - განაცხადა მინისტრის მოადგილემ.

მსგავსი სიახლეები

კვირის გრაფიკი

რატომ გვჭირდება ბანკები?

18 მარ 2019კვირის გრაფიკი

      ბანკები უმნიშვნელოვანეს დადებით როლს თამაშობენ საქართველოს ეკონომიკაში. ბანკებში შესაძლებელია დანაზოგის უსაფრთხოდ შენახვა და, ამავე დროს, სარგებლის მიღება, უსაფრთხოდ და...

ავტოკატასტროფებში დაღუპულთა ზრდით საქართველო მსოფლიოში პირველია

11 მარ 2019კვირის გრაფიკი

    საქართველო საგზაო შემთხვევების შედეგად დაღუპულთა რიცხვის ზრდით (2006-2016 წლებში) მსოფლიოში პირველ ადგილს იკავებს. საქართველოში საგზაო შემთხვევებში დაღუპულთა რაოდენობამ 2006-2016...

სად გადის საქართველოდან საექსპორტო საქონელი?

4 მარ 2019კვირის გრაფიკი

    საქსტატის მონაცემებით, 2018 წელს საქართველოდან  3.3 მილიარდი აშშ დოლარის ღირებულების საქონლის ექსპორტი განხორციელდა, რაც 1995 წლის ექსპორტის მონაცემებს 22-ჯერ აღემატება. სამი...