11:21 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
ლევან სურგულაძე: "საპენსიო ფონდში პირველი ასი მილიონი შეგროვდა"
ლევან დავითაშვილი: „შვეიცარიის განვითარების სააგენტო საქართველოს ერთ-ერთი უმნიშვნელოვანესი დონორია“

სიახლეები

კახა კალაძე - მეგობრობა ჩემთვის მნიშვნელოვანია, მაგრამ პირველ ადგილზე ქალაქის ინტერესი დგას

 

 

თბილისის მუნიციპალიტეტის მთავრობის სხდომაზე დედაქალაქის მერი თაბორის ქუჩაზე მდებარე მიწის ნაკვეთის საკითხს შეეხო, რომელიც პარლამენტარ ბექა ოდიშარიას საკუთრებაშია.

 

კახა კალაძის თქმით, მიუხედავად ტერიტორიის მესაკუთრესთან მეგობრობისა და იმ ფაქტისა, რომ იმ ზონებით, რომელიც ნაკვეთს ადევს, შესაძლებელია მშენებლობა,  თაბორის N1-ის განაშენიანება მისაღები არ არის.

 

„ეს მიწის ნაკვეთი პარლამენტის წევრ ბექა ოდიშარიას საკუთრებაშია. ბექა ჩემი მეგობარია, მე დასამალი არაფერი მაქვს, თუმცა კიდევ ერთხელ ვიმეორებ, რომ მეგობრობა და, ასევე, ის ფაქტი, რომ ჩვენ ერთი გუნდის წევრები ვართ, ჩემთვის მნიშვნელოვანია, მაგრამ პირველ ადგილზე დედაქალაქის ინტერესებია.

 

ამ კონკრეტულ მიწის ნაკვეთზე გაცემული არის კონკრეტული არქიტექტურული გეგმარებითი დავალება,  რამდენიმე ნაკვეთზე იმ ზონებით, რომელიც მას ადევს, შესაძლებელია მშენებლობა და კონკრეტული პროექტის განხორციელება, თუმცა, კიდევ ერთხელ ვიმეორებ, ჩვენ გამოვდივართ ქალაქის ინტერესებიდან“, - განაცხადა კახა კალაძემ.

 

მისი თქმით, ბექა ოდიშარია მიწის ნაკვეთის კეთილსინდისიერი მფლობელია და როგორც სხვა შემთხვევებში, ახლაც არ დაზარალდება კერძო მესაკუთრის ინტერესი.

 

„ჩემი დიდი პატივისცემა მინდა დავუდასტურო ბექას და განვაცხადო, რომ ამ მიწის  ნაკვეთზე მშენებლობა ჩვენთვის მისაღები არ არის.  კიდევ ერთხელ ვიმეორებ, რომ ბექა არის კეთილსინდისიერი მფლობელი ამ მიწის ნაკვეთის და, რა თქმა უნდა, ჩვენ არ უნდა დავაზარალოთ კერძო საკუთრების ინტერესიც, როგორც ეს სხვა შემთხვევებში მოხდა: კუს ტბის ასახვევთან, რესტორან „ოტიუმის“ წინ და ასევე, ვაკის პარკში, სადაც სასტუმროს განხორციელება იგეგმებოდა. ჩვენ ყველაფერი უნდა გავაკეთოთ მსგავსი ადგილების შესანარჩუნებლად. ჩვენ პირველ რიგში ქალაქის ინტერესების გათვალისწინებით უნდა ვიმოქმედოთ“, - აღნიშნა კახა კალაძემ.

 

თბილისის მერის თქმით, ლანდშაფტის ზოლი 80-იანი წლების შემდეგ არ განახლებულა და აუცილებელია, შეიქმნას შესაბამისი კომისია, რომელიც ამ საკითხს გადახედავს.

 

კახა კალაძემ აღნიშნული საკითხის მოგვარებას განათლების, მეცნიერების, კულტურისა და სპორტის სამინისტროსთან კომუნიკაციით გეგმავს.

მსგავსი სიახლეები

კვირის გრაფიკი

ფულადი გზავნილები საქართველოში

20 მაი 2019კვირის გრაფიკი

საქართველოს ეროვნული ბანკის მონაცემებით, 2018 წელს საქართველოში საზღვარგარეთიდან ჩაირიცხა 1.5 მილიარდი აშშ დოლარის ოდენობის ფულადი გზავნილი. მთლიანი ოდენობის დაახლოებით...

საშუალო ხელფასები საქართველოში და საზღვარგარეთ

13 მაი 2019კვირის გრაფიკი

    როგორ შეედრება საქართველოში არსებული ხელფასები უცხოეთში არსებულ ხელფასებს? საქსტატის მონაცემებით, 2017 წელს საქართველოში დაქირავებით დასაქმებული მუშაკის საშუალო თვიური ხელფასი...

სიღარიბის მაჩვენებლით საქართველო ევროპაში მეორეა

6 მაი 2019კვირის გრაფიკი

      მსოფლიო ბანკის მონაცემებით, 2017 წელს საქართველოში მოსახლეობის პროცენტული წილი, რომელიც დღეში $1.90-ზე ნაკლები თანხით (დაკორექტირებული მსყიდველობითურიანობის მაჩვენებლით)...

პოპულარული