agora financeAGORANEWS

ამერიკის შეერთებულმა შტატებმა  ირანის ისლამური რევოლუციის მცველთა კორპუსის (ირანის ელიტური სამხედრო ქვედანაყოფი) საერთაშორისო ტერორისტული ორგანიზაციების სიაში შეყვანის გადაწყვეტილება მიიღო.

ინფორმაცია ამის შესახებ თავად დონალდ ტრამპმა გაავრცელა: „დღეს მე ოფიციალურად ვაცხადებ ჩემი ადმინისტრაციის გადაწყვეტილების შესახებ, შევიყვანოთ ისლამური რევოლუციის მცეველთა კორპუსი ტერორისტული ორგანიზაციის სიაში“, - ციტირებს ტრამპის სიტყვებს მისი პრეს-სამსახური.  

თეთრი სახლის ადმინისტრაციის აზრით, ირანი ამ დანაყოფებს ტერორის გლობალური კამპანიისთვის იყენებს.

თავის მხრივ, ირანმა გუშინ აშშ-ის ცენტრალური სარდლობა (CENTCOM) ტერორისტულ დაჯგუფებად გამოაცხადა და მას ტერორიზმის გავრცელებსა და ხელშეწყობაში ღიად დასდო ბრალი. ამ გადაწყვეტილებას ამერიკასა და ირანს შორის არსებული დაძაბულობა სრულიად ახალ ეტაპზე გადაჰყავს.

შეგახსენებთ, ბირთვული შეთანხმება თეირანთან  2015 წელს გააფორმა 6-მა დიდმა სახელმწიფომ: რუსეთმა, დიდმა ბრიტანეთმა, ჩინეთმა, აშშ-მ, საფრანგეთმა და გერმანიამ. 2018 ტრამპმა ირანს პირობების შეუსრულებლობაში დაასდო ბრალი და შეთანხმება ცალმხრივად დატოვა.