01:10 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
კერძო სექტორში EIB-ს 215,8 მილიონი ევროს ოდენობის ფინანსური რესურსი აქვს გამოყოფილი
„Standard&Poor’s” - მა საქართველოს სუვერენული რეიტინგის პერსპექტივა გააუმჯობესა

სიახლეები

ივანე მაჭავარიანი აშშ-ის ათასწლეულის გამოწვევის კორპორაციის აღმასრულებელ დირექტორს შეხვდა

 

განათლების სექტორში დაგეგმილი რეფორმის მნიშვნელობაზე გამახვილდა ყურადღება ამერიკის შეერთებული შტატების მთავრობის ათასწლეულის გამოწვევის კორპორაციის (MCC) აღმასრულებელი დირექტორის მოვალეობის შემსრულებელს, სინტია ჰუგერსა (Cynthia Huger) და საქართველოს ფინანსთა მინისტრ, ივანე მაჭავარიანს შორის გამართულ შეხვედრაზე. 

როგორც ფინანსთა მინისტრმა აღნიშნა, ათასწლეულის გამოწვევის მეორე კომპაქტი აშშ-ის მთავრობის მიერ დაფინანსებული ერთ-ერთი ყველაზე წარმატებული და მნიშვნელოვანი პროგრამაა, რომელიც ხელს უწყობს ქვეყანაში განათლების სექტორის, ადამიანური კაპიტალის განვითარებასა და ამ გზით ეკონომიკური ზრდის უზრუნველყოფას. 


ივანე მაჭავარიანმა ათასწლეულის გამოწვევის კორპორაციის წარმომადგენლებს მიაწოდა ინფორმაცია საქართველოს მთავრობის გადაწყვეტილების შესახებ, რომლის მიხედვითაც, ეტაპობრივად გაიზრდება განათლების სფეროზე დახარჯული სახსრები და 2022 წლიდან, ქვეყნის მშპ-ს 6 პროცენტი ყოველთვის მიიმართება აღნიშნული სექტორის დაფინანსებაზე. მისი თქმით, აღნიშნული თანხა და ინვესტიციები განათლების სექტორის ხუთივე დონეს - სკოლამდელ, საშუალო, პროფესიულ, უმაღლეს განათლებასა და მეცნიერებას მოხმარდება.


შეხვედრაზე განხილული იქნა ათასწლეულის გამოწვევის კორპორაციის საქმიანობა საქართველოში და სამომავლო თანამშრომლობის პერსპექტივა. ხაზი გაესვა საქართველოსა და ამერიკის შეერთებულ შტატებს შორის ორმხრივი პარტნიორობის მნიშვნელობას.


მხარეებმა გამოთქვეს იმედი, რომ კორპორაციის მიერ განხორციელებული პროგრამები, გაზრდის საქართველოს სტაბილურობასა და კეთილდღეობას, დააჩქარებს ქვეყნის წინსვლას ევროატლანტიკური სივრცისკენ მიმავალ გზაზე.

მსგავსი სიახლეები

კვირის გრაფიკი

კლიმატის ცვლილების ზეგავლენა საქართველოში

17 ივნ 2019კვირის გრაფიკი

მეცნიერების შეფასებით დედამიწაზე კლიმატის ცვლილების ზეგავლენა საქართველოზე განსაკუთრებით მაღალი იქნება. ნოტერ დამის უნივერსიტეტის კლიმატის ცვლილების მიმართ მგრძნობელობის ინდექსის...

“ჩერნობილი” ყველაზე მაღალ-რეიტინგული სერიალია

10 ივნ 2019კვირის გრაფიკი

    IMDB-ს სატელევიზიო სერიალების რეიტინში ახლად გამოსულ “ჩერნობილს” 9.7 ქულით პირველი ადგილი უკავია. აღნიშნული მონაცემებით სერიალი “ჩერნობილის” რეიტინგი რიგით მომდენო სერიალის...

თურქეთზე ეკონომიკური დამოკიდებულება მცირდება, რუსეთზე კი იზრდება

3 ივნ 2019კვირის გრაფიკი

    რუსეთზე ეკონომიკური დამოკიდებულება ბოლო სამ წელიწადში გაიზარდა. ეკონომიკურ დამოკიდებულებას ამ შემთხვევაში ვზომავთ როგორც საქონლის ექსპორტიდან, ტურიზმიდან, ფულადი...