agora financeAGORANEWS

ევროკომისიის ხელმძღვანელი ჟან კლოდ იუნკერი ვარაუდობს, რომ გერმანიის კანცლერი ანგელა მერკელი მომავალში ევროკაშირის ხელმძღვანელობაში მაღალ თანამდებობას დაიკავებს.

„მე არ შემიძლია წარმოვიდგინო, რომ ანგელა მერკელი უკვალოდ გაქრება. ის არ არის მხოლოდ პიროვნება, რომელიც პატივისცემას იწვევს, არამდედ ის არის იმგვარი სიყვარულის ობიექტი, როგორსაც მხოლოდ ხელოვნების ნიმუშები იმსახურებენ“, - თქვა პოლიტიკოსმა Funke-სთან ინტერვიუში.

იუნკერის თქმით, მერკელი ერთ-ერთი ყველაზე მაღალკვალიფიციური პოლიტიკოსია და ის ევროკავშირის ერთ-ერთი ხელმძღვანელი უნდა იყოს.

ანგელა მერლკელის კანცლერობის ვადა გერმანიაში 2021 წელს იწურება. სააგენტო dpa-ს ინფორმაციით,  მერკელის ევროკავშირის მმართველ ორგანოში დასაქმება ბევრს სურს და ამ საკითხზე კონსულტაციები უკვე მიმდინარეობს.

გასულ წელს მერკელის შემცვლელად გერმანიის მმართველი პარტიის გენერალური მდივნის თანამდებობაზე 56 წლის ანეგრეტ კრამპ-კარენბაუერი აირჩიეს. გავრცელებული ხმების თანახმად, ის დაიკავებს კანცლერის თანამდებობასაც და ეს შეიძლება ვადაზე ადრე მოხდეს.