agora financeAGORANEWS

ინტერნეტში გავრცელდა ვიდეო, რომელზეც კარგად ჩანს, როგორ ფეთქდება დაპარკინგებული Tesla Model S სრულიად მოუდნელად, ყოველგვარი გარე ფაქტორების ზემოქმედების გარეშე.

თავდაპირველად მანქანიდან გამოსვლას იწყებს თეთრი კვამლი, რასაც უშუალოდ აფეთქება მოსდევს. შემთხვევა შანხაის ერთ-ერთ ავტოსადგურზე მოხდა და ვიდეო პირველად ჩინურ სოციალურ ქსელ Weibo-ში გავრცელდა.

ჩინურ სოციალურ ქსელებში ბოლო ორი დღის განმავლობაში ჰეშთეგით #teslaselfignites 18 მილიონზე მეტი პოსტი გამოქვეყნდა.

„ჩვენ შემთხვევის ადგილზე სასწრაფოდ გავაგზავნეთ ჯგუფი, რომელიც მომხდარ ფაქტებსა და გარემოებებს სწავლობს. საბედნიეროდ, არავინ დაზარალებულა“, - განაცხადეს კომპანია Tesla-ში. ელექტრომობილების ამერიკული მწარმოებლის მიერ გავრცელებულ განცხადებაში ნათქვამია, რომ ამგვარი შემთხვევითობის რისკი ელექტრომობილებში 10-ჯერ უფრო ნაკლებია, ვიდრე შიდა წვის ძრავიან ავტომობილებთან მიმართებაში.

Reuters-ის ინფორმაციით, 2013 წლის შემდეგ Tesla-ს დაწვის 14 ფაქტია დაფიქსირებული, თუმცა უმეტესობა ავარიებს უკავშირდებოდა.