agora financeAGORANEWS

Business Insider-მა გამოცემის აზრით საუკეთესო სმარტფონების სია გამოაქვეყნა. პირველი ადგილი სიაში უკავია სმარტფონს OnePlus 6T, რომლის ფასი $550-დან $750 აშშ დოლარამდე მერყეობს.

მიუხედავად ამისა, სააგენტო ურჩევს მომხმარებელს, მისი ყიდვა ცოტა ხნით გადადონ, რადგან უახლოეს მომავალში კომპანია OnePlus გეგმავს ახალი ფლაგმანი წარადგინოს და OnePlus 6T კიდევ უფრო გაიაფდება.

ამ მოდელს არ აქვს უსადენო დამუხტვის ფუნქცია, წყლისგან დაცვის მაღალი სტანდარტი, კამერის სუპერფართოკუთხოვანი მოდული ან მრავალჯერადი ოპტოკური ზუმი.

სამაგიეროდ, ის არის შესანიშნავი მოწყობილობა - უსწრაფესი დამუხტვის ფუნქციით, ლამაზი დიზაინით და ეკრანით, აწყობის მაღალი ხარისხით, კარგი კამერით, ხანგრძლივი ავტონომიურობით და იდეალურად ოპტიმიზებული ოპერაციული სისტემით.

კონკურენტებთან შედარებით OnePlus 6T ბევრად იაფია და უახლოეს მომავალში სხვაობა კიდევ უფრო შესამჩნევი იქნება. საუკეთესო სმარტფონების ხუთეულში მოხვდნენ: Samsung Galaxy S10e, iPhone XR, Samsung Galaxy S10 Plus და Galaxy S10.

ათეულში მოხვდნენ: Google Pixel 3 და 3 XL, Samsung Galaxy Note 9, iPhone XS და XS Max, Samsung Galaxy S9 Plus და iPhone X.