agora financeAGORANEWS

2020 წლიდან აშშ-ის ზოგიერთ შტატში რობოტიზებული ტაქსი დაიწყებს მუშაობას, ტაქსოპარკის ორგანიზებას ელექტრომობილების მწარმოებელი კომპანია Tesla გეგმავს. კონცეფცია პრინციპულად ახალია, რადგან პროექტში ელექტრომობილის ყველა მფლობელს შეეძლება ჩართვა.

თუ თქვენ თავისუფალ დროს თქვენს ელექტრომობილს წუთობრივი ანაზღაურებით გააქირავებთ, საშუალოდ წელიწადში 30 ათას დოლარს მოიგებთ, თანაც ავტომობილი ავტოპილოტით გადაადგილდება და პროცესი თქვენს ჩართულობას საერთოდ არ მოითხოვს.

Tesla-ს მფლობელებს შეეძლებათ, თავად აირჩიონ დროის მონაკვეთი, როცა მათ საკუთარი ელექტრომობილის სხვებისთვის „გაზიარება“ შეეძლებათ. გარდა ამისა, მათ შეუძლიათ შეზღუდონ პოტენციური მომხმარებლების წრე თავიანთი გემოვნების შესაბამისად.

Tesla-ს ელექტრომობილის გამოძახება სპეციალური მობილური აპლიკაციის საშუალებით იქნება შესაძლებელი. ილონ მასკის დათვლით, უახლოეს 1,5 წელიწადში პარკში 1 მილიონი ელექტრომობილი დაგროვდება. იმ ქალაქებსა და რეგიონებში, სადაც ელექტრომობილების საკმარისი რაოდენობა არ არის, კომპანია ტაქსოპარკებს საკუთარი ავტომობილებით შეავსებს.

მასკმა უკვე განაცხადა, რომ ამგვარი სერვისით სარგებლობა საკმაოდ იაფი იქნება (1 მილის გავლის ღირებულება 0,18 აშშ დოლარი). იმისთვის, რომ ელექტრომობილები სრულად ავტონომიურები გახდნენ, მათში მიკროჩიპი Full Self Driving (Autopilot Hardware 3.0) დამონტაჟდება.

მიკროჩპი პასუხისმგებელი იქნება მონაცემთ დამუშავებაზე - ავტოპილოტზე, GPS რადარე, ზებგერითი სენსორების მართვასა და საჭისა და სიჩქარის კონტროლზე.

Full Self Driving-ის მიკროსქემა 6 მილიარდი ტრანზისტორისგან და ნეირონული ქსელის ორნაკადიანი ამაჩქარებლისგან შედგება, რომელიც 2 გიგაჰერცი სიხშირეზე ფუნქციონირებს და წამში 72 ტრილიონ ოპერაციას ასრულებს. სქემა აღჭურვილია 600 გიგაფლოპსიანი გრაფიკული მიკროსქემითა და 12 ბირთვიანი ARM Cortex-A7 პროცესორით.