22:26 PM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
C400-ების შემდეგ შესაძლოა თურქეთმა რუსეთისგან სამხედრო თვითმფინავებიც შეიძინოს
სეს: არ შეიძინოთ მაღალი რისკის სურსათი არაორგანიზებული ვაჭრობის ადგილებში

სიახლეები

ოთარ დანელია: ეკონომიკური განვითარებისთვის აუცილებელია სასოფლო-სამეურნეო დანიშნულების მიწის გამჭვირვალე მართვა

 

აგრარულ საკითხთა კომიტეტის სხდომაზე პირველი მოსმენით, პრინციპების დონეზე განიხილეს ამავე კომიტეტის მიერ საკანონმდებლო ინიციატივის წესით მომზადებული ორგანული კანონის პროექტი „სასოფლო-სამეურნეო დანიშნულების მიწის საკუთრების შესახებ“, კანონპროექტი „მიწის მიზნობრივი დანიშნულების განსაზღვრის და სასოფლო-სამეურნეო დანიშნულების მიწის მდგრადი მართვის შესახებ“ და გამომდინარე კანონპროექტთა პაკეტი.

 

„სახელმწიფოს გრძელვადიანი ეკონომიკური განვითარებისთვის აუცილებელია სასოფლო-სამეურნეო დანიშნულების მიწის გამჭვირვალე და, რაც მთავარია, რაციონალური მართვა და, შესაბამისად, მნიშვნელოვანია წარმოდგენილი კანონი და თანმდევი კანონპროექტები. შეგახსენებთ ასევე შესაბამისი ჩანაწერი შევიდა კონსტიტუციაში, რომლითაც სასოფლო-სამეურნეო დანიშნულების მიწას მიენიჭა განსაკუთრებული სტატუსი, რაც ჩვენთვის - მცირემიწიანი ქვეყნისთვის არის სასიცოცხლო მნიშვნელობის გარემოება. შესაბამისად, უნდა გავუფრთხილდეთ აღნიშნულ რესურს, რომელიც არ არის განახლებადი“, - განაცხადა აგრარულ საკითხთა კომიტეტის თავმჯდომარემ ოთარ დანელიამ საკანონმდებლო პაკეტის სხდომაზე წარდგენისას, როდესაც მისი მიღების გარემოებებზე საუბრობდა.

 

მისი განცხადებით, 1992 წლის შემდეგ, მიწის მართვის მიმართულებით მთელი რიგი რეფორმები განხორციელდა, თუმცა ხშირ შემთხვევაში აღნიშნული პროცესი ბოლომდე ვერ მივიდა გარკვეული ცვლილებებისა თუ პრიორიტეტების გამო. მართალია მოხდა მიწების მასობრივი განსახელმწიფოებრიობა, თუმცა თავიდან ვერ იქნა აცილებული ის პრობლემები, რომლებიც დღესაც აქტუალურია დარგში, მათ შორის, მნიშვნელოვანია ის, რომ ვერ ჩამოყალიბდა საკუთრების უფლების დაცვის მკაფიოდ განსაზღვრული მექანიზმი, რამაც მნიშვნელოვნად შეაფერხა სოფლის მეურნეობის განვითარება.

 

„ჩვენთვის მნიშვნელოვანია შევქმნათ ერთიანი ბაზა, სადაც მართული იქნება როგორც მიწის ბალანსები, ასევე მისი რაციონალური გამოყენების და დამუშავების კრიტერიუმები, როგორც წამახალისებელი ღონისძიებები, ისე ფერმერთათვის მთელი რიგი შეღავათები, რომლებიც დამატებით სტიმულს გააჩენს დარგში“, - განაცხადა ოთარ დანელიამ.

 

მისივე თქმით, კანონპროექტი იწყება პრეამბულით, რომლის თანახმად, საქართველოს ტერიტორიაზე არსებული მიწა წარმოადგენს სახელმწიფოს ეროვნულ სიმდიდრეს, რომელსაც განსაკუთრებული პოლიტიკური, ეკონომიკური, სოციალური, ეკოლოგიური და კულტურული ღირებულების მატარებელია სახელმწიფოებრივი ამოცანების შესრულებისა და ადამიანის ძირითადი უფლებების რეალიზებისათვის.

მსგავსი სიახლეები

კვირის გრაფიკი

როგორია პლასტიკური ბარათების გავრცელება საქართველოში?

14 ოქტ 2019კვირის გრაფიკი

საქართველო საგრძნობლად ჩამორჩება დანარჩენ ევროპას პლასტიკური ბარათების რაოდენობით. საქართველოში პლასტიკური ბარათების მფლობელების წილი ერთ-ერთი ყველაზე დაბალია ევროპის ქვეყნებს...

რა ღირს დღეს ბიტკოინი?

7 ოქტ 2019კვირის გრაფიკი

            ბიტკოინის დღევანდელი ფასი მისი პიკური ღირებულების მხოლოდ 40%-ს შეადგენს. CoinMarketCap-ის მონაცემების მიხედვით 2019 წლის 6 ოქტომბერს ბიტკოინის ღირებულება $8031-ს შეადგენს, რაც მისი პიკური...

რატომ არ სარგებლობენ ქართველები საბანკო მომსახურებით?

30 სექ 2019კვირის გრაფიკი

მიუხედავად იმისა რომ საქართველოში საბანკო სექტორი ერთ-ერთი ყველაზე განვითარებულია, მისი მომსახურეობით შედარებით ცოტა ადამიანი სარგებლობს. საქართველოში საბანკო ანგარიშის მქონე...

პოპულარული

რა ღირს დღეს ბიტკოინი?

რა ღირს დღეს ბიტკოინი?

7 ოქტომბერი, 2019კვირის გრაფიკი