agora financeAGORANEWS

Daily Telegraph-ის ინფორმაციით, დიდი ბრიტანეთის მთავრობამ თანხმობა განაცხადა 5G ქსელის შექმნისთვის Huawei-ს აღჭურვილობის გამოყენებაზე, მიუხედავად იმისა, რომ აშშ ამ ფაქტს აპროტესტებს და მიიჩნევს, რომ ეს ნაბიჯი საფრთხეს უქმნის დიდი ბრიტანეთისა და ჩრდილოატრლანტიკური ალიანსის უსაფრთხოებას.

დღესვე ცნობილი გახდა, რომ ბრიტანეთის მთვრობა მოითხოვს „სრულ და დეტალურ“ გამოძიებას იმასთან დაკავშირებით, როგორ გამოჟონა ხმამ უშიშროების საბჭოს საიდუმლო სხდომიდან, რომელიც ამ საკითხს მიეძღვნა.

შესაბამისი გადაწყვეტილება ბრიტანეთში ორშაბათს მიიღეს. კაბინეტის ერთ-ერთი წევრის თქმით, უშიშროების საბჭოს შეხვედრები „წმინდათა წმინდაა“ და ინფორმაციის გაჟონვა ექსტრაორდინალური ფაქტია.

გაჟონილი ინფორმაციის თანახმად, Huawei-ს კონსტრუქციას გამოიყენებენ სტრატეგიულად „არაკრიტიკული“ მნიშვნელობის 5G კონსტრუქციებში. გარდა ამისა, ჩინური კომპანია ბრიტანეთში ვერ დაამონტაჟებს ტექნოლოგიებს, რომელსაც შეეძლება მობილური მოწყობილობის იდენტიფიკაცია და მისგან ინფორმაციის გადაცემის კონტროლი.

ბრიტანეთში მიაჩნიათ, რომ ასეთი რეგულირების პირობებში Huawei-ს ტექნოლოგიები საფრთხეს არ წარმოადგენს.