agora financeAGORANEWS

რუსეთის პრეზიდენტმა ვლადიმერ პუტინმა ურჩია უკრაინის ახლად არჩეულ პრეზიდენტს, ვლადიმირ ზელენსკის, დაუბრუნოს უკრაინული პასპორტი საქართველოს ექს-პრეზიდენტსა და ოდესის ოლქის ყოფილ გუბერნატორს, მიხეილ სააკაშვილს.

პუტინის აზრით, პოლიტიკოსს უკრაინის მოქალაქეობა უკანონოდ ჩამოართვეს. უკრაინულ მხარეს რუსეთის პრეზიდენტის განცხადებასთან დაკავშირებით კომენტარი არ გაუკეთებია.

„რაც შეეხება სამართლიანობას, ამ მხრივ უმჯობესია დაიწყოთ არა რუსებისგან, არამედ, მაგალითად, ქართველისგან, ან ყოფილი ქართველისგან. მაგალითად, სამართლიანი იქნება, თუ დაუბრუნებენ უკრაინის პასპორტს ადამიანს, რომელიც წაარსულში საქართველოს მოქალაქე იყო, ვგულისხმობ მიხეილ ნიკოლოზის ძეს“, - განაცხადა ვლადიმერ პუტინმა. 

პუტინმა აღნიშნა, რომ სააკაშვილს უკრაინის მოქალაქეობა უკანონოდ ჩამოართვეს და გააძევეს ქვეყნიდან და უკრაინის ახალმა ხელისუფლებამ მას უფლებები უნდა აღუდგინოს, ისევე, როგორც უკრაინის სხვა მრავალ მოქალაქეს.