11:18 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
Daily Telegraph: ევროპარლამენტის არჩევნებში ვლადიმერ პუტინი გაიმარჯვებს
დედაქალაქში დამატებით 220 ავტობუსის შემოყვანაზე ტენდერი დასრულდა

სიახლეები

მამუკა ბახტაძე - საქართველოს დიდი პოტენციალი აქვს მწვანე ეკოტურიზმში

 

კრწანისის ტყე-პარკის აღდგენა და განვითარება იწყება, - ამის შესახებ საქართველოს პრემიერ-მინისტრმა მამუკა ბახტაძემ ბიომრავალფეროვნების აღდგენის პროგრამის პრეზენტაციაზე განაცხადა.

 

მთავრობის მეთაურმა აღნიშნა, რომ გასული საუკუნის 60-იან წლებში კრწანისის ტყე-პარკის გაშენების მთავარი იდეა იყო ბიომრავალფეროვნების შენარჩუნება და გარემოსდაცვითი პრინციპების შესახებ საზოგადოების ცნობიერების ამაღლება.

 

თუმცა, სამწუხაროდ, პრემიერის თქმით, ბოლო ათწლეულების განმავლობაში მოუვლელობის გამო, პარკში მწვანე საფარი ძალიან შემცირდა.

 

„წლების განმავლობაში წარმოებულმა უპასუხისმგებლო პოლიტიკამ და გარემოსდაცვითი პრინციპების იგნორირებამ საკმაოდ მძიმე რეალობის წინაშე დაგვაყენა და ჩვენ ამ უპასუხისმგებლო პოლიტიკის შედეგებს დღემდე ვებრძვით. რამდენიმე თვის წინ ჩვენ დავაანონსეთ ჩვენი პრიორიტეტები და ძალიან მკვეთრი აქცენტი გავაკეთეთ მწვანე პოლიტიკასა და მის შემადგენელ მწვანე ეკონომიკაზე. ჩვენ ყოველდღიურ რეჟიმში ვცდილობთ, გარემოს დაცვის პრიორიტეტულობა წარმოვაჩინოთ ყველა ინიციატივაში. გამწვანებაზე ფიქრი საქართველოს თითოეული მოქალაქის ვალია. სწორედ ეს არის ჩვენი გაცხადებული მიზანი და ამას განსაკუთრებულ ყურადღებას ვუთმობთ. დღეს ვიწყებთ ძალიან მნიშვნელოვან პროექტს, რომლითაც იამაყებს არა მხოლოდ ჩვენი, არამედ მომავალი თაობები. ჩვენ ვიწყებთ კრწანისის ტყე-პარკის აღდგენას და განვითარებას. ჩვენ აქ შევქმნით ნამდვილ ცოცხალ მუზეუმს, სადაც წარმოდგენილი იქნება არა მარტო არსებული უნიკალური ფლორა და ფაუნა, არამედ გავაშენებთ მცენარეებს წითელი ნუსხიდან. ეს ძალიან მნიშვნელოვანია იმისთვის, რომ ჩვენ შევინარჩუნოთ და უზრუნველვყოთ ბიომრავალფეროვნება ამ ულამაზეს რეგიონში", - განაცხადა მამუკა ბახტაძემ.

 

ამავე დროს, აღდგება კრწანისის ტყე-პარკის ბუნებრივი ფუნქცია, ის იქნება თბილისისა და რუსთავის დამაკავშირებელი რეკრეაციული სივრცე, რომელიც ნებისმიერ მსურველს უმასპინძლებს. შეზღუდვები იმოქმედებს გადაადგილების საშუალებებზე, კერძოდ, გადაადგილება შესაძლებელი იქნება მხოლოდ ფეხით, ველოსიპედით, ან ელექტრომობილით.

 

„მჯერა, ადამიანური კაპიტალის განვითარების პარალელურად საქართველოს ყველაზე დიდი პოტენციალი აქვს მწვანე ეკონომიკის განვითარებაში, ეკოტურიზმში. ეს იქნება ჩვენი გაცხადებული პრიორიტეტი, რომელსაც რეალური პროექტებით უზრუნველვყოფთ რეალურ ცხოვრებაში. მადლობას ვუხდი ყველას, ვინც ამ წლების განმავლობაში, მიუხედავად არსებული დაბრკოლებებისა, შეგვინარჩუნა კრწანისის ტყე-პარკი. ახლა კი ჩვენი ვალია, მოვუაროთ, აღვადგინოთ და შემოვიტანოთ მეტი ბიომრავალფეროვნება ამ ულამაზეს ადგილზე", - განაცხადა მამუკა ბახტაძემ.

 

ბიომრავალფეროვნების აღდგენის პროგრამის პრეზენტაცია გარემოს დაცვისა და სოფლის მეურნეობის მინისტრმა ლევან დავითაშვილმა გამართა. მინისტრის ინფორმაციით, მომავალში კრწანისის ტყე-პარკში გარემოს დაცვისა და სოფლის მეურნეობის სამინისტროს ორი სააგენტოს - „გარემოსდაცვითი განათლებისა და ინფორმაციის ცენტრის" და „ველური ბუნების ეროვნული სააგენტოს" განთავსება იგეგმება.

 

მსგავსი სიახლეები

კვირის გრაფიკი

რამდენად ძვირია საქართველოში ცხოვრება სხვა ქვეყნებთან შედარებით?

16 სექ 2019კვირის გრაფიკი

ცხოვრების სიიაფის მიხედვით საქართველო ევროპაში მეორე ადგილზე იმყოფება. Numbeo-ს მონაცემებით საქართველოში ცხოვრების ღირებულების ინდექსის სიმცირით ევროპაში კოსოვოს შემდეგ მეორე ადგილს...

როგორია ატმოსფერული ჰაერის და წყლის დაბინძურება საქართველოში?

9 სექ 2019კვირის გრაფიკი

დაბინძურების მიხედვით საქართველო ევროპაში გამოირჩევა. Numbeo-ს მონაცემებით საქართველო დაბინძურების ინდექსით ევროპაში მეხუთე ადგილზე იმყოფება. აღნიშნული ინდექსი ზომავს ჰაერის და წყლის...

ვინ რამდენს ხარჯავს თავდაცვაზე ევროპაში?

2 სექ 2019კვირის გრაფიკი

საქართველოში თავდაცვის ხარჯები ერთ სულ მოსახლეზე გაანგარიშებით ერთ-ერთი ყველაზე დაბალია ევროპის ქვეყნებს შორის. სტოკჰოლმის საერთშორისო სამშვიდობო კვლევების ინსტიტუტის მონაცემების...

პოპულარული

ვინ რამდენს ხარჯავს თავდაცვაზე ევროპაში?

ვინ რამდენს ხარჯავს თავდაცვაზე ევროპაში?

2 სექტემბერი, 2019კვირის გრაფიკი