agora financeAGORANEWS

დედაქალაქის მოსახლეობის, დაახლოებით, 50%-ს ელექტროენერგია არ მიეწოდება. ამ მდგომარეობაშივეა ქვეყნის ბევრი რეგიონიც.

ელექტროენერგია არ მიეწოდება ასევე სასიცოცხლო მნიშვნელობის ბევრ ობიექტსაც.

ამის მიზეზი ელექტროგადამცემი ხაზის "იმერეთი" ავარიული გამორთვაა.

როგორც საქართველოს სახელმწიფო ელექტროსისტემის მიერ გავრცელებულ განცხადებაშია აღნიშნული, დაზიანების ლიკვიდაციის სამუშაოები უკვე დაწყებულია:

დღეს, 18:11 საათზე, ავარიულად გამოირთო 500 კვ ელექტროგადამცემი ხაზი „იმერეთი“, რის გამოც, ქვეყნის რამდენიმე რეგიონს შეუწყდა ელექტროენერგიის მიწოდება. ამ დროისთვის მიმდინარეობს ავარიის ლიკვიდაცია“, - აღნიშნულია საქართველოს სახელმწიფო ელექტროსისტემის მიერ გავრცელებულ განცხადებაში.