agora financeAGORANEWS

რუსული გაზი, რომელსაც ევროკავშირის წევრი ქვეყნები იღებენ, იაფია, თუმცა უხარისხო, - განაცხადა ამერიკის ენერგეტიკის მინისტრმა რიკ პერიმ, რომელიც ევროპას აშშ-ის პრეზიდენტის დავალებით ეწვია, რათა ევროკავშირი ამერიკული თხევადი ბუნებრივი გაზის შეძენის უპირატესობაში დაარწმუნოს.

სულ რაღაც ერთი თვის წინ ამერიკის კონგრესის წარმომადგენელთა პალატამ მიიღო კანონპროექტი ევროპაში რუსული ენერგეტიკული ინტერესებისთვის წინააღმდეგობის გაწევის შესახებ, რაც ამერიკული ინვესტიციების გაზრის გზით უნდა მოხდეს.

ბრიუსელში გამართულ ბიზნეს ფორუმზე პერიმ განაცხადა, რომ თუ ევროპელებს მხოლოდ ფასის საკითხი აღელვებთ, არ უნდა დაივიწყონ, რომ Mercedes-ისა და BMW-ს ღირებულება ძალიან მაღალია და შეიძინონ უფრო იაფი, მაგრამ ნაკლებ საიმედო ავტომობილები.

პერის მიაჩნია, რომ ევროკავშირმა უნდა გაზადოს ბელგიაში მდებარე ტერმინალებიდან შესყიდული ამერიკული გაზის მოცულობა, რადგან ასეთ შემთხვევაში „ისინი მიიღებენ სწორედ იმას, რისთვისაც იხდიან“.

ბოლო 1 წელიწადში აშშ-იდან ევროკავშირში თხევადი გაზის იმპორტი 272%-ით არის გაზრდილი. მარტში ევროკავშირმა სარეკორდო 10,4 მილიარდი კუბამეტრი ამერიკული გაზი შეიძინა.