02:22 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
EBRD-ის პირველი ვიცე-პრეზიდენტი საქართველოს ერთ-ერთ უმნიშვნელოვანეს პარტნიორად აფასებს
ჩინეთსა და აშშ-ს შორის სავაჭრო დაპირისპირება უკიდურესად გამწვავდა

სიახლეები

ეკატერინე მიქაბაძე მცირე და საშუალო ბიზნესის განვითარების შეფასების პირველადი შედეგების პრეზენტაციას დაესწრო

 

საქართველოში მცირე და საშუალო ბიზნესის განვითარების შეფასების მეთოდოლოგიასა და პირველად შედეგებზე იმსჯელეს სასტუმრო „რედისონში“ გამართულ გაფართოებულ შეხვედრაზე, რომელშიც ეკონომიკისა და მდგრადი განვითარების სამინისტროს, მისი პარტნიორი საერთაშორისო ორგანიზაციების, მათ შორის OECD-ის, ევროპის რეკონსტრუქციისა და განვითარების ბანკის, ETF-ის, ევროკავშირის,  ასევე საქართველოს სამთავრობო და კერძო სტრუქტურების  წარმომადგენლები მონაწილეობდნენ. შეხვედრა ეკონომიკისა და მდგრადი განვითარების მინისტრის მოადგილემ, ეკატერინე მიქაბაძემ გახსნა.

 

„ეს არის საქართველოს მცირე და საშუალო ბიზნესის განვითარების შეფასება, რომელიც ხორციელდება ევროკავშირის დაფინანსების ფარგლებში, მასში მონაწილეობს ევროპის რეკონსტრუქციისა და განვითარების ბანკი, OECD და ასევე პარტნიორი ორგანიზაციები. პირველი შეფასება ჩატარდა 2016 წელს, სადაც საქართველომ აღმოსავლეთ პარტნიორობის ქვეყნებს შორის ლიდერი პოზიცია დაიკავა და 12 ინდიკატორიდან შვიდში უმაღლესი შეფასება მიიღო.

 

შესაბამისად, ამჟამად მიმდინარეობს პირველადი შედეგების განხილვა 2020 წლის ინდექსისთვის და იმედი მაქვს, მასში ასახული იქნება ის რეფორმები, რომლებიც 2016 წლის შემდეგ გატარდა“ - განაცხადა ეკატერინე მიქაბაძემ.

 

მისი თქმით,  უკვე გვაქვს უცხოელი ექსპერტებისგან ძალიან დადებითი გამოხმაურებები, მათ მიერ ასევე დასახელდა ის გამოწვევები, რომელთა აღმოფხვრაზეც მუშაობა მიმდინარეობს.

 

„შეფასება საშუალებას გვაძლევს სწორედ ამ მიმართულებით განვახორციელოთ ჩვენი ღონისძიებები, მნიშვნელოვნად გავაუმჯობესოთ მცირე და საშუალო ბიზნესის გარემო საქართველოში, რადგან სწორედ ეს არის გამწევი ძალა, რომელიც ინკლუზიურ ზრდას უზრუნველყოფს“ - განაცხადა მინისტრის მოადგილემ და შეფასებებში ჩართულ ყველა მხარეს განსაკუთრებული მადლობა გადაუხადა თანამშრომლობისა და მხარდაჭერისთვის.

მსგავსი სიახლეები

კვირის გრაფიკი

ფულადი გზავნილების ვარდნა აპრილში

18 მაი 2020კვირის გრაფიკი

       საქართველოში გასულ ორ თვეში ჩარიცხულმა ფულად გზავნილებმა მკვეთრი შემცირება განიცადა წინა წელთან შედარებით. საქართველოს ეროვნული ბანკის მონაცემებით საქართველოში 2020 წლის...

კორონავირუსით გამოწვეული სიკვდილიანობის შედარება

11 მაი 2020კვირის გრაფიკი

       საქართველოს ევროპის ქვეყნებს შორის კორონავირუსით გამოწვეული სიკვდილიანობის ერთ-ერთი ყველაზე დაბალი მაჩვენებელი აქვს. სიკვდილიანობის დონე გამოითვლება როგორც გარდაცვლილთა...

კორონავირუსით განპირობებული ღონისძიებების გავლენა საქართველოზე

4 მაი 2020კვირის გრაფიკი

       Covid-19-ის მიერ გამოწვეულმა ვითარებამ მნიშვნელოვნად შეცვალა საქართველოს მოსახლეობის ყოველდღიური ცხოვრება. კომპანია გუგლმა (Google) პირველად გამოაქვეყნა ეგრეთ წოდებული მობილურობის...

პოპულარული

ეკონომიკური ზრდა 2020 წელს

ეკონომიკური ზრდა 2020 წელს

27 აპრილი, 2020კვირის გრაფიკი

ფულადი გზავნილების ვარდნა აპრილში

ფულადი გზავნილების ვარდნა აპრილში

18 მაისი, 2020კვირის გრაფიკი