agora financeAGORANEWS

აშშ-ის პრეზიდენტმა დონალდ ტრამპმა დიდ ბრიტანეთში ვიზიტის წინ, რომელიც 3-5 ივნისს უნდა გაიმართოს, სრულიად მოულოდნელი განცხადება გააკეთა სამეფო ოჯახის წევრის მისამართით.

მიუხედავად იმისა, რომ ტრამპმა მხარი დაუჭირა დიდი ბრიტანეთის მიერ ევროკავშირის დატოვების პროცესს და ახალ პოტენციურ პრემიერ-მინისტრს - ბორის ჯონსონს, ბრიტანელების გულისწყრმას ის ვერ გადაურჩება.

დონალდ ტრამპმა მეგან მარკლს არც მეტი არც ნაკლები „ბოროტი“ უწოდა.  The Sun-ის ჟურნლაისტის შეკითხვაზე, იცის თუ არა მის მიმართ მეგანის უარყოფით პოზიციასთან დაკავშირებით, ტრამპმა ასეთი რამ მიუგო: „მე ამის შესახებ არ ვიცოდი. რა შემიძლია ვთქვა? მე არ ვიცოდი, რომ ის ბოროტი იყო“.

შეგახსენებთ, ბრიტანეთის პრინცი ჰარი და ამერიკელი  მსახიობი მეგან მარკლი უინძორის წმინდა გიორგის სახელობის ტაძარში 2018 წლის 19 მაისს დაქორწინდნენ.

საინტერესოა, რომ პრინცმა ჰარიმ ამ ქორწილით სამეფო ოჯახის საუკუნეობრივი ტრადიცია დაარღვია, რადგან მარკლი ერთხელ უკვე იყო გათხოვილი, ხოლო ბრიტანეთის პრინცები გათხოვილ ქალებზე არ ქორწინდებიან.

ასევე, პრობლემას ქმნიდა მარკლის ეთნიკურობაც, მისი დედა აფროამერიკულ რასას ეკუთვნის, რაც ბრიტანეთის სამეფო ოჯახისთვის ასევე მიღებლად ითვლებოდა საუკუნეების მანძილზე.