agora financeAGORANEWS

18 წლის ბრიტანელმა სტუდენტმა დონალდ ტრამპის ვიზიტის წინ მშობლების მამულში ამერიკის პრეზიდენტის საწინააღმდეგო ინსტალაცია მოაწყო და გაზონზე მამამაკაცის სასქესო ორგანო გამოსახა, წარწერებით: „ჰეი, ტრამპ, კლიმპატის ცვლილება რეალურია“, - წერს Independent.

სტუდენტის სახლი სტანსტენდის აეროპორტის სიახლოვეს მდებარეობს, სადაც გუშინ დონალდ ტრამპის ლაინერი დაეშვა. გარდა ამისა, დიდ ბრიტანეთში მასობრივი გამოსვლები მიმდინარეობს. შეიძლება ითქვას, რომ დონალდ ტრამპს ბრიტანელები არც ისე თბილად დახვდნენ.

ვიზიტის ფარგლებში დონალდ ტრამპი სამეფო ოჯახის წევრებსა და დიდი ბრიტანეთის პრემიერ-მინისტრს ხვდება,  რომელმაც ცოტა ხნის წინ გადადგომის შესახებ გააკეთა განცხადება. მოსალოდნელია, რომ მეისთან შეხვედრის მთავარი თემები ბრექსიტი, ახალი სავაჭრო შეთანხმება, კლიმატის გლობალური ცვლილება და Huawei-სთან თანამშრომლობის საკითხები იქნება.

ტრამპის ვიზიტს აპროტესტებენ ლონდონში, მანჩესტერში, ბელფასტში, ბირმინგემსა და სხვა დიდ ქალაქებში. ლონდონში ყველაზე მასშტაბური აქცია დღეს არის დაგეგმილი. ორგანიზატორების თქმით, ტრაფალგარის მოედნიდან დაუნინგ-სტრიტამდე 250 ათასი ადამიანი ჩივლის.

ლონდონში იგეგმება რამდენიმე მასშტაბური პერფორმანსი: საჰაერო ბურთების გაშვება, რომლებზეც დატანილია ტრამპის საწინააღმდეგო მესიჯები. გარდა ამისა, ქალაქის ცენტრში დაიდგა დონალდ ტრამპის კარიკატურული ქანდაკება. ბაკინგემის სასახლეში მოწყობილ შეხვედრაზე ამერიკის პრეზიდენტი არც ისე ბედნიერი ჩანდა.