agora financeAGORANEWS

პირველი ივლისიდან თბილისის მეტროპოლიტენი 06:00 საათიდან მხოლოდ 23:00 საათამდე იმუშავებს, – ამის შესახებ თბილისის მერმა კახა კალაძემ თბილისის მთავრობის დღევანდელ სხდომაზე განაცხადა.

კალაძის განმარტებით, მეტროში მძიმე მდგომარეობაა ელექტროგაყვანილობის თვალსაზრისით და კაბელების ჩანაცვლება და აღდგენითი სამუშაოების ჩატარებაა საჭირო.

„მეტროში არსებული მდგომარეობა ყველამ კარგად ვიცით, არა ერთხელ გვისაუბრია ამაზე. ჩვენ დავიწყეთ მუშაობა ვაგონების რეაბილიტირებაზე, უკვე რამდენიმე შემადგნელობა რეაბილიტირებულია და ემსახურება მგზავრებს.

გვაქვს მძიმე მდგომარეობა ელექტროგაყვანილობის თვალსაზრისით და აზიის განვითარების ბანკის ხელშეწყობით გამოყოფილია 15 მილიონი დოლარი, რომელიც მოხმარდება ზუსტად ძალოვანი კაბელების ჩანაცვლებას და მთლიან რეაბილიტაციას. რაც მეტრო გაიხსნა, მას შემდეგ ამ ტიპის სამუშაოები არ წარმოებულა. შესაბამისად, ჩვენ ვიწყებთ ამ პროექტის განხორციელებას, დაახლოებით 450 კმ ძალოვანი კაბელი მთლიანად შეიცვლება თანამედროვე აისო სტანდარტის კაბელებით. ამ პროექტის ფარგლებში მოხდება 28 საგვირაბე დამნიავებლისა და 32 ახალი ევროპული სტანდარტის ვენტილატორების მონტაჟი“, – განაცხადა კახა კალაძემ.

თბილისის მეტროში კაბელები ჩანაცვლების სამუშაოები 2020 წლის ივლისში დასრულდება და მეტროც ახალი გრაფიკით ამ დრომდე იმუშავებს.