სიახლეები
ძლიერმა ქარმა და უამინდობამ თბილისის სხვადასხვა რაიონში გარკვეული პრობლემები შექმნა. ზარალის აღმოფხვრასა და შესაბამისი ღონისძიებების გატარებაში ათივე რაიონის გამგეობა აქტიურადაა ჩართული.
ისნის რაიონში, ირბახის ქუჩა N18-ში ძლიერმა ქარმა საცხოვრებელ სახლს სახურავი გადახადა, რის გამოც, აღნიშნულ მისამართზე მცხოვრები ოთხსულიანი ოჯახი უსაფრთხოების მიზნით, რაიონის გამგეობამ სასტუმროში გადაიყვანა. ამავე მისამართზე დაზიანებულია მსუბუქი ავტომანქანაც. ადგილზე მობილიზებულია შესაბამისი ტექნიკა, რომლის დახმარებითაც, სამუშაოები მიმდინარეობს. შემთხვევის შედეგად, არავინ დაშავებულა.
დედაქალაქში მოსული უხვი ნალექისა და ძლიერი ქარის გამო, თბილისის მუნიციპალიტეტის შესაბამისი სამსახურები საგანგებო რეჟიმში ამ დრომდე მუშაობენ. ქუჩები ძლიერი ქარისა და წვიმის შედეგად წაქცეული ხეებისგან და ჩამოტანილი ქვა-ღორღისგან იწმინდება. ადგილზე მუშაობენ „თბილსერვის ჯგუფისა“ და „ეკოსერვის ჯგუფის“ თანამშრომლები. ასევე, მობილიზებულია ტექნიკა.
უამინდობის დროს, დედაქალაქის სხვადასხვა რაიონში ძირითადად, საცხოვრებელი სახლების სახურავები დაზიანდა. ასევე, რამდენიმე სახლის პირველ სართულზე წყალი შევიდა. შესაბამისი სამსახურების მიერ სტიქიის შედეგების სალიკვიდაციოდ, რეაგირება უმოკლეს დროში განხორციელდა.
გარდა ამისა, ძლიერმა ქარმა სხვადასხვა რაიონში ხეები მოტეხა, რომლის დროსაც, რამდენიმე ავტომანქანა და გაზის მილი დაზიანდა. დაზარალებული ოჯახების დახმარებას გამგეობები უზრუნველყოფენ.
რაც შეეხება სხვა სახის ღონისძიებებს, მიმდინარეობს ზარალის აღწერა და სტიქიის შედეგების აღმოსაფხვრელად, შესაბამისი ინფრასტრუქტურული სამუშაოები ჩატარდება.

მსგავსი სიახლეები

10 მაი 2019დაზღვევა
კობა გვენეტაძე დაზღვევის სახელმწიფო ზედამხედველობის სამსახურის უფროსს შეხვდა

22 აპრ 2019დაზღვევა
რას გთავაზობთ "თიბისი დაზღვევის" აგროდაზღვევა?
კვირის გრაფიკი
ავტომობილების მფლობელობა და მშპ ერთ სულ მოსახლეზე
9 აგვ 2021კვირის გრაფიკი
საქართველო ავტომობილების რაოდენობით 1000 მოსახლეზე მსოფლიოში 58-ე ადგილზეა. მსოფლიო ბანკისა და სტატისტიკური ოფისების მონაცემებით, საქართველოში ავტომობილის რაოდენობა 1000...
ელისო ბოლქვაძემ ზაქარია ფალიაშვილის ძეგლი გვირგვინით შეამკო
6 აგვ 2021კვირის გრაფიკი
კულტურის კომიტეტის თავმჯდომარემ, ელისო ბოლქვაძემ ქართული ეროვნული საკომპოზიტორო სკოლის ფუძემდებლის, ქართველი კლასიკოსის, დირიჟორისა და საზოგადო მოღვაწის, ზაქარია ფალიაშვილის ძეგლი...
ფინანსური სისტემების განვითარების დონე მსოფლიოსა და საქართველოში
2 აგვ 2021კვირის გრაფიკი
ფინანსური განვითარების ინდექსით საქართველო მსოფლიოში 77-ე ადგილზეა. საერთაშორისო სავალუტო ფონდის მონაცემებით, საქართველოში აღნიშნული ინდექსი შეადგენს 0.30-ს, რაც მსოფლიოს საშუალო...