18:48 PM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
სოფიო ქაცარავა: „ჩვენთვის მნიშვნელოვანია, რომ საქართველოს დელეგაციის მიერ მომზადებული რეზოლუცია ლუქსემბურგის საბოლოო დეკლარაციაში აისახოს“
თბილისის საბავშვო ბაგა-ბაღების ექთნების გადამზადება დაიწყო

სიახლეები

კახა კალაძე  მშრალი და ზაარბრიუკენის ხიდების, 9 მარტის და დედაენის ბაღების სარეაბილიტაციო სამუშაოებს გაეცნო

დედაქალაქის მერი კახა კალაძე მშრალი და ზაარბრიუკენის ხიდების, 9 მარტის და დედაენის ბაღების რეაბილიტაციის მიმდინარეობას მერის მოადგილე ირაკლი ბენდელიანთან ერთად გაეცნო.

თბილისის მერის თქმით, ხიდების რეაბილიტაციის შედეგად შეიქმნება ერთიანი კეთილმოწყობილი სივრცე, რომელიც აღმაშენებელსა და ორბელიანის მოედანს ერთმანეთთან დააკავშირებს.

„პროექტი  მიმდებარე ტერიტორიების რეაბილიტაცია-განახლებასა და კეთილმოწყობას ითვალისწინებს.  დედაენისა და 9 მარტის ბაღები ერთმანეთს  გვირაბით დაუკავშირდება.  ასევე, აღნიშნულ ბაღებში ახალი ხე-მცენარეები დაირგვება და ტერიტორია სრულად კეთილმოეწყობა.

გარდა ამისა, დაგეგმილია კიდევ ერთი პროექტი დედაენის ბაღიდან ბარათაშვილის ხიდამდე. ეს არის „მტკვართან დაახლოების პროექტი“,   რომლის განხორციელებასაც უახლოეს პერიოდში დავიწყებთ. ანალოგიური პროექტი  ბევრ ქალაქშია  განხორციელებული. აღსანიშნავია, რომ თბილისის გენგეგმაშიც არის  გარკვეული  რეკომენდაციები  იმასთან დაკავშირებით, რომ მტკვრის  გამოყენება უფრო აქტიურად უნდა მოხდეს“, - განაცხადა კახა კალაძემ. 

სამუშაოების ფარგლებში, მშრალი ხიდის განაპირა ბურჯების და თაღის მალის ნაშენის ქვის და აგურის წყობის რესტავრაცია-კონსერვაციის სამუშაოები მიმდინარეობს. ასევე, ხორციელდება 9 მარტისა და დედაენის ბაღების სარწყავი სისტემების სარეაბილიტაციო და  ბაღებს შორის დამაკავშირებელი საფეხმავლო გვირაბის სამშენებლო სამუშაოები.

ამასთან, ამ ეტაპზე  ბაღებში ვიდეომეთვალყურეობის ქსელის მონტაჟი,  გარე განათების სისტემების სარეკონსტრუქციო სამუშაოები და ზაარბრიუკენის ხიდის მოაჯირების რესტავრაცია მიმდინარეობს.

ზაარბრიუკენის ხიდის ნაწილზე ტროტუარების, სავალი ნაწილის დამცავი  ფენის დემონტაჟის შემდეგ, ახალი დამცავი ბეტონის ქვედა ფენის მოწყობა, ჰიდროიზოლაციის სამუშაოების განხორციელება, ტროტუარებზე საკომუნიკაციო გვირაბ-არხების აღდგენა, ტროტუარებზე გრანიტის ქვაფენილების კეთილმოეწყობა, გარე განათების ქსელების, ელექტრომომარაგების ბოძების და საკაბელო არხების სრულად შეცვლა იგეგმება.

პროექტი, რომელსაც თბილისის განვითარების ფონდი ახორციელებს,  მიზნად ისახავს ქალაქის ისტორიულ ნაწილში დიდი ტურისტული მარშრუტის შექმნას, ძველი და ახლადრეაბილიტირებული ზონების ერთმანეთთან  დაკავშირებას, ტურისტულად მნიშვნელოვანი მიზიდულობის ცენტრის - მშრალი ხიდისა და მიმდებარე არეალის  ადაპტაციას სტუმრების და ძირითადი მომხმარებლების მოთხოვნებთან.

იგეგმება რეაბილიტირებული არეალის კეთილმოწყობაც, რაც გულისხმობს მხატვრების გამოფენა-გაყიდვისა და ძველი ნივთებით სავაჭრო სივრცის  მოწესრიგებას.

სარეაბილიტაციო სამუშაოების საერთო ღირებულება 9 მილიონ 679 520 ათას ლარს შეადგენს. პროექტი 2019 წლის ბოლოს დასრულდება.

დედაქალაქის მერთან ერთად ადგილზე იმყოფებოდნენ თბილისის განვითარების ფონდის დირექტორი ალექსანდრე ტოგონიძე, ჩუღურეთის რაიონის გამგებელი ზურაბ ჩიკვილაძე, პარლამენტისა და საკრებულოს მაჟორიტარი დეპუტატები. 

მსგავსი სიახლეები

კვირის გრაფიკი

საქართველოში საშუალო განათლების ხარისხი გაუარესდა!

9 დეკ 2019კვირის გრაფიკი

გასულ კვირას გამოქვეყნებული ეკონომიკური განვითარების და თანამშრომლობის ორგანიზაციის კვლევების მიხედვით, ქართველ მოსწავლეთა საშუალო შეფასება გაუარესდა. ე.წ პიზას კვლევების მიხედვით...

რამდენად მაღალია ქართველი მამაკაცი?

2 დეკ 2019კვირის გრაფიკი

მამაკაცის საშუალო სიმაღლით საქართველო მსოფლიოს ქვეყნებს შორის 44-ე ადგილზეა. “WorldData”-ს მონაცემების მიხედვით საქართველოში მამაკაცის საშუალო სიმაღლე შეადგენს 175 სმ-ს, რაც აღემატება...

ბევრი მოხუცი, ცოტა ახალგაზრდა - საქართველოს დემოგრაფიული თავსატეხი

25 ნოე 2019კვირის გრაფიკი

საქართველო სერიოზული დემოგრაფიული პრობლემის წინაშეა. ის რომ ბოლო 30 წელიწადში საქართველოს მოსახლეობა საგრძნობლად შემცირდა ყველასთვის ცნობილია. თუმცა, მთავარი პრობლემა მდგომარეობს...