12:32 PM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
არჩილ თალაკვაძე ჩეხეთის საგარეო საქმეთა მინისტრს შეხვდა
სოფიო ქაცარავამ შეხვედრა გამართა ბულგარეთის ვიცე-პრემიერთან და საგარეო საქმეთა მინისტრთან, ეკატერინა ზაჰარიევასთან

სიახლეები

ზაზა გაბუნიამ ექსპერტებთან სანდო და შედეგზე ორიენტირებული თვითმმართველობის ჩამოყალიბების შესახებ ისაუბრა

რეგიონული პოლიტიკისა და თვითმმართველობის კომიტეტის თავმჯდომარემ ზაზა გაბუნიამ, რომელიც იმავდროულად დეცენტრალიზაციის სტრატეგიის (2019-2025) პროექტის განმხილველი საპარლამენტო სამუშაო ჯგუფის ხელმძღვანელია, ორდღიანი სამუშაო შეხვედრა გამართა დეცენტრალიზაციის რეფორმის საკითხზე მომუშავე არასამთავრობო ორგანიზაციებისა და საექსპერტო წრეების წარმომადგენლებთან

შეხვედრაში ასევე მონაწილეობდნენ საპარლამენტო სამუშაო ჯგუფის წევრები - პარლამენტარები, საქართველოს რეგიონული განვითარებისა და ინფრასტრუქტურის მინისტრის მოადგილე მზია გიორგობიანი, სამინისტროს სტრუქტურული ერთეულების წარმომადგენლები.

შეხვედრის მეორე დღე, ძირითადად, დეცენტრალიზაციის სტრატეგიის მესამე მიმართულებას დაეთმო, რომლის ფარგლებშიც განიხილეს სანდო, ანგარიშვალდებული, გამჭვირვალე და შედეგზე ორიენტირებული თვითმმართველობის ჩამოყალიბების საკითხები. წარმოდგენილი იყო ექსპერტთა რეკომენდაციები მუნიციპალიტეტის საქმიანობის დაგეგმვისა და მისი როლის გაზრდის თაობაზე ადგილობრივ ეკონომიკურ განვითარებაში, მართვის ეფექტიანობის უზრუნველყოფაში, თვითმმართველობის განხორციელებაში მოქალაქეთა ჩართულობის ხელშეწყობის შესახებ
შეხვედრაზე ასევე იმსჯელეს სტრატეგიის განხორციელების, მართვის მექანიზმის, ანგარიშგების, მონიტორინგის და შეფასების მექანიზმებთან დაკავშირებით წარმოდგენილ რეკომენდაციებზე

შეხვედრაზე განხილულ საკითხებთან დაკავშირებით დისკუსია გაიმართა და გამოითქვა მოსაზრებები და რეკომენდაციები იმის თაობაზე, თუ რა ცვლილებები შეიძლება აისახოს დეცენტრალიზაციის სტრატეგიის პროექტის ტექსტში, რა ღონისძიებები უნდა შემუშავდეს სტრატეგიით დასახული ამოცანების და სამოქმედო გეგმის განხორციელებისათვის.
როგორც საპარლამენტო სამუშაო ჯგუფის შეხვედრაზე აღინიშნა, მსგავსი შეხვედრები ითვალისწინებს გარკვეული საკითხების დახვეწას იმ თვალსაზრისით, რომ თვითმმართველობა, როგორც მმართველობის სისტემა უფრო ეფექტიანი გახდეს. ამასთანავე მსგავსი შეხვედრები ადასტურებს თუ რამდენად მნიშვნელოვანია დეცენტრალიზაციის სტრატეგიის ჩამოყალიბება რეგიონებისა და, ზოგადად, ქვეყნის მომავლისა და მისი განვითარებისათვის, თვითმმართველობის რეფორმის წარმატებით განხორციელებისათვის

შეხვედრა შეაჯამა ზაზა გაბუნიამ

კომიტეტის თავმჯდომარის შეფასებით, ასევე მნიშვნელოვანია ამ პროცესში ყველა პოლიტიკური ძალისა თუ სუბიექტის მონაწილეობა, ვინაიდან საპარლამენტო სამუშაო ჯგუფის მიერ შემუშავებული საბოლოო დოკუმენტი საქართველოს მთავრობისადმი წარდგენილი იქნება როგორც საქართველოს პარლამენტის ერთიანი რეკომენდაციები და არა პარლამენტის რომელიმე ერთი სუბიექტის კერძო მოსაზრებები. შეხვედრაზე განსახილველ საკითხებთან დაკავშირებით მთავრობის ხედვები დამსწრეებს გააცნეს რეგიონული განვითარებისა და ინფრასტრუქტურის სამინისტროს წარმომადგენლებმა.

საბოლოოდ, საპარლამენტო სამუშაო ჯგუფში განხილვებისა და საზოგადოების, ექსპერტთა წრეების წარმომადგენლებთან შეხვედრებზე მიღებული ინფორმაციის საფუძველზე, დეცენტრალიზაციის სტრატეგიის (2019-2025) პროექტთან დაკავშირებით შექმნილი საპარლამენტო სამუშაო ჯგუფი ჩამოაყალიბებს ერთიან დოკუმენტს - შეიმუშავებს წინადადებებსა და რეკომენდაციებს, რომლებიც ჯგუფის დასკვნაში აისახება და პარლამენტის პლენარულ სხდომაზე განხილვამდე და გადაეგზავნება მთავრობას

შეხვედრა გაიმართა გაეროს განვითარების პროგრამა (UNDP), დანიის, შვეიცარიის და ავსტრიის მთავრობების ფინანსური ხელშეწყობით.

მსგავსი სიახლეები

კვირის გრაფიკი

როგორია პლასტიკური ბარათების გავრცელება საქართველოში?

14 ოქტ 2019კვირის გრაფიკი

საქართველო საგრძნობლად ჩამორჩება დანარჩენ ევროპას პლასტიკური ბარათების რაოდენობით. საქართველოში პლასტიკური ბარათების მფლობელების წილი ერთ-ერთი ყველაზე დაბალია ევროპის ქვეყნებს...

რა ღირს დღეს ბიტკოინი?

7 ოქტ 2019კვირის გრაფიკი

            ბიტკოინის დღევანდელი ფასი მისი პიკური ღირებულების მხოლოდ 40%-ს შეადგენს. CoinMarketCap-ის მონაცემების მიხედვით 2019 წლის 6 ოქტომბერს ბიტკოინის ღირებულება $8031-ს შეადგენს, რაც მისი პიკური...

რატომ არ სარგებლობენ ქართველები საბანკო მომსახურებით?

30 სექ 2019კვირის გრაფიკი

მიუხედავად იმისა რომ საქართველოში საბანკო სექტორი ერთ-ერთი ყველაზე განვითარებულია, მისი მომსახურეობით შედარებით ცოტა ადამიანი სარგებლობს. საქართველოში საბანკო ანგარიშის მქონე...

პოპულარული

რა ღირს დღეს ბიტკოინი?

რა ღირს დღეს ბიტკოინი?

7 ოქტომბერი, 2019კვირის გრაფიკი