agora financeAGORANEWS

მიუხედავად იმისა რომ საქართველოში საბანკო სექტორი ერთ-ერთი ყველაზე განვითარებულია, მისი მომსახურეობით შედარებით ცოტა ადამიანი სარგებლობს. საქართველოში საბანკო ანგარიშის მქონე ადამიანების პროცენტული წილი ერთ-ერთი ყველაზე დაბალია ევროპის ქვეყნებს შორის. გლობალური ფინდექსის მონაცემთა ბაზის მიხედვით საქართველოში მოსახლეობის მხოლოდ 61.2%-ს გააჩნია საბანკო ანგარიში, რაც ევროპის საშუალო მაჩვენებელს (84%) საგრძნობლად ჩამორჩება. აღსანიშნავია, რომ თითქმის 100%-იანი მაჩვენებელი აქვთ ევროპის ჩრდილო-დასავლურ ქვეყნებს დანიას (99.9%), ფინეთის (99.8%) და ნორვეგიას (99.7%). საქართველოზე უფრო უარესი შედეგი აქვს მხოლოდ სამ ქვეყანას: ბოსნიას (58.8%-ს), რუმინეთს (57.8%), მოლდოვას (43.8%) და ალბანეთს (40%).