agora financeAGORANEWS

განათლების, მეცნერებისა და კულტურის კომიტეტის თავმჯდომარემ, მარიამ ჯაშმა „მასწავლებლის ეროვნული ჯილდოს“ გადაცემის ცერემონიალში მიიღო მონაწილეობა.

„მასწავლებლის ეროვნული ჯილდო“ მასწავლებელთა პოპულარიზაციისკენ მიმართული გლობალური კამპანიის – „The Global Teacher Prize“ ნაწილია, რომელიც განათლების კოალიციის ინიციატივით და მასწავლებელთა პროფესიული განვითარების ეროვნულ ცენტრთან პატრნიორობით, უკვე მესამედ ხორციელდება.

„სრულიად საზოგადოება აღიარებს, რომ „მასწავლებლის ჯილდოს პროექტი“ ეს არის ერთ-ერთი ყველაზე წარმატებული ინიციატივა, რომელიც მასწავლებლის დაფასებას, პედაგოგის პროფესიის პოპულარიზაციას და განათლების მიზნების გარშემო სრულიად საზოგადოების კონსოლიდაციას ემსახურება. ლადო აფხაზავას წარმატება არ იყო მხოლოდ ერთი მასწავლებლის წარმატება. ეს იყო საქართველოს უდიდესი მიღწევა - მსოფლიოში ქართული განათლების პოპულარიზაციის შესაძლებლობა. ლადოს წარმატებამ გარკვეულწილად განაპირობა ამ ინიციატივის კიდევ უფრო ფართო მასშტაბებზე გაყვანა. ჩვენ, განათლების სისტემაში არა მარტო 5 ან 10 საუკეთესო არამედ, ათასობით საუკეთესო პედაგოგი გვყავს. დღეს, მასწავლებლის საერთაშორისო დღეს, მინდა თითოეულ თქვენგანს მადლობა გადაგიხადოთ იმ უდიდესი შრომისთვის, რომელსაც ყოველდღიურად დებთ თქვენი მოსწავლეების აღზრდაში და ცხოვრების გზაზე დაყენებაში“, - აღნიშნა მარიამ ჯაშმა.

სიტყვით გამოსვლისას, კომიტეტის თავმჯდომარემ კომპოზიტორი გია ყანჩელი გაიხსენა და მისი ღვაწლი აღნიშნა. მარიამ ჯაშმა პედაგოგებს მოუწოდა, რომ მათ, მოსწავლეებს მოასმენინონ უდიდესი შემოქმედის ჩანაწერები, როგორც განათლების ასევე, საზოგადოებრივი ცხოვრების მიმართ დამოკიდებულების კუთხით.

„მასწავლბლის ეროვნული ჯილდოს“ მფლობელი მარნეულის N2 საჯარო სკოლის ქართული, როგორც მეორე ენის და ისტორიის მასწავლებელი გიორგი ჭაუჭიძე გახდა, რომელსაც ფულადი პრიზის სახით, 10 000 ლარი გადაეცა.​