07:04 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
არჩილ თალაკვაძე: ამერიკის შეერთებულ შტატებთან, ნატოსა და ევროკავშირთან პარტნიორობა დღეს იმაზე მეტს ნიშნავს ჩვენთვის, ვიდრე ოდესმე
ზვიად ძიძიგური: „ნაციონალური მოძრაობა მათი ხელისუფლებაში მოსვლის პირველი დღიდან საქართველოს ეკლესიას ებრძოდა“

სიახლეები

იუსტიციის მინისტრი ამსტერდამის საოჯახო ტიპის ბავშვთა ციხის მოდელს გაეცნო

იუსტიციის სამინისტროს დელეგაცია, ნიდერლანდებში სამუშაო ვიზიტის ფარგლებში, ამსტერდამში არასრულწლოვანთა საოჯახო ტიპის სასჯელაღსრულების დაწესებულებას ესტუმრა.

ნიდერლანდური მოდელი განსაკუთრებით საინტერესოა საქართველოსათვის დღეს, როდესაც ციხეებში უკვე აღმოფხვრილია 2012 წლამდე არსებული პრობლემები; მიღებულია და მოქმედებს არასრულწლოვანთა მართლმსაჯულების კოდექსი; მიღწეულია პროგრესი უსაფრთხოების, ფიზიკური პირობებისა და მსჯავრდებულთა მოპყრობის გაუმჯობესების თვალსაზრისით და დღის წესრიგში დგას ახალი, ევროპული ტიპის ინფრასტრუქტურისა და სისტემების მშენებლობა.

„ჩვენი მიზანია საქართველოში №11 არასრულწლოვანთა დაწესებულების დახურვა, რადგან მასში სხვადასხვა რისკისა და განსხვავებული სამომავლო გეგმების მქონე ბავშვები ერთად იხდიან სასჯელს, რაც დაუშვებელია ბევრი მიზეზის გამო. მაგალითისთვის: მიუღებელი მგონია, ერთად იხდიდნენ სასჯელს ბავშვები, ვინც უნივერსიტეტებში სწავლისთვის ემზადება, და ბავშვები, ვისაც კრიმინალური საქმიანობის გაგრძელება სურს. მოცემული ინფრასტრუქტურის ჩასანაცვლებლად ვფიქრობთ რამდენიმე საოჯახო ტიპის პენიტენციური დაწესებულების მოწყობას დასავლეთ და აღმოსავლეთ საქართველოში, სადაც ერთი და იმავე რისკისა და მისწრაფების მქონე ათიოდე ბავშვი განთავსდება და სასჯელს ოჯახური პირობების მსგავს გარემოში მოიხდის“, − განაცხადა იუსტიციის მინისტრმა.

საქართველოში ამ იდეაზე მუშაობისას გამოირკვა, რომ დაახლოებით მსგავსი რეფორმის პილოტირებას მსოფლიოში მხოლოდ ნიდერლანდები ახორციელებს უკვე მესამე წელია, ამსტერდამის ერთ-ერთ უბანში. წელს ამ დაწესებულების წარმატება დადებითად შეფასდა და გადაწყდა, რომ მსგავსი დაწესებულება ერთადერთი აღარ იქნება და ქვეყანაში სხვა იდენტური დაწესებულებებიც გაიხსნება.  ამსტერდამის ოჯახური ტიპის დაწესებულება იმ პატიმარი ბავშვების მიღებას გულისხმობს (მაქსიმუმ, 8 ბავშვი), ვინც ბრალდებულია, სკოლაში დადის ან მუშაობს. ისინი სკოლაში ან სამსახურში დილით მიდიან და საქმის დასრულებისთანავე დაწესებულებაში დამოუკიდებლად ბრუნდებიან. ვინც რეჟიმს დაარღვევს, დახურული ტიპის ბავშვთა დაწესებულებაში იგზავნება და კარგავს შანსს, პატიმრობისას ოჯახურ პირობებში უფრო თავისუფლად იცხოვროს და განვითარდეს.

იუსტიციის მინისტრმა და დელეგაციის წევრებმა დაწესებულების სოციალურ მუშაკთან ერთად შინაგანაწესი, ბავშვების დღის გრაფიკი, თანამშრომელთა მომზადებისა და სხვა საკითხები განიხილეს და დაწესებულება დაათვალიერეს, რომელიც ორსართულიან პატარა სახლშია მოწყობილი.

ოჯახური ტიპის დაწესებულებაში ვიზიტამდე იუსტიციის სამინისტროს დელეგაცია ამსტერდამის პრობაციის სამსახურის მუშაობას გაეცნო. იუსტიციის მინისტრმა და დელეგაციის წევრებმა ამსტერდამის პრობაციის სამსახურის წარმომადგენლებისაგან იმ პოლიტიკისა და მიდგომების შესახებ მოისმინეს, რომელთაც ნიდერლანდებში პრობაციის სისტემა ემყარება. განსაკუთრებული ყურადღება დაეთმო იმას, თუ როგორ ხდება დაკავებისთანავე, პატიმრობისას და  სასჯელის მოხდის შემდეგ ბავშვებთან პრობაციისა და რეაბილიტაცია-რესოციალიზაციის კუთხით მუშაობა, რა წარმატებები აქვს ამ მხრივ ნიდერლანდებს და როგორ მიიღწევა ეს შედეგები.

ვიზიტი ნიდერლანდებში ევროკავშირის მხარდაჭერის პროექტის თანადგომითა და დაფინანსებით ხორციელდება და ის 7 ნოემბერს დასრულდება.
  

მსგავსი სიახლეები

კვირის გრაფიკი

როგორ მოქმედებს სამთავრობო ღონისძიებების სიმკაცრე კორონავირუსის შემთხვევებზე?

25 მაი 2020კვირის გრაფიკი

       მთავრობების მიერ გატარებული ღონისძიებების სიმკაცრე არაერთგვაროვნად მოქმედებს კორონავირუსის გავრცელებაზე. ოქსფორდის უნივერსიტეტის 100-ზე მეტი მკვლევარის მიერ შედგენილ იქნა...

ფულადი გზავნილების ვარდნა აპრილში

18 მაი 2020კვირის გრაფიკი

       საქართველოში გასულ ორ თვეში ჩარიცხულმა ფულად გზავნილებმა მკვეთრი შემცირება განიცადა წინა წელთან შედარებით. საქართველოს ეროვნული ბანკის მონაცემებით საქართველოში 2020 წლის...

კორონავირუსით გამოწვეული სიკვდილიანობის შედარება

11 მაი 2020კვირის გრაფიკი

       საქართველოს ევროპის ქვეყნებს შორის კორონავირუსით გამოწვეული სიკვდილიანობის ერთ-ერთი ყველაზე დაბალი მაჩვენებელი აქვს. სიკვდილიანობის დონე გამოითვლება როგორც გარდაცვლილთა...

პოპულარული

ფულადი გზავნილების ვარდნა აპრილში

ფულადი გზავნილების ვარდნა აპრილში

18 მაისი, 2020კვირის გრაფიკი