05:52 AM
0
Open with fade-slide animation
მიახლოების მოშორება
შეადარე ოფიციალურ კურსს
Open with fade-slide animation
მიახლოების მოშორება
ვრცლად
თამარ მეფის სახელობის ხიდის პანდუსის რეაბილიტაცია დასრულდა
ლევან კობერიძე: „როცა ადამიანების კეთილდღეობას და საცხოვრისს ეხება საქმე ოპოზიციაც და პოზიციაც უნდა გავერთიანდეთ და ერთად შევძლოთ კიდევ ბევრი ოჯახის გახარება“

სიახლეები

პირველი რესპუბლიკის მოედანზე დედაქალაქის მთავარი ნაძვის ხე საზეიმოდ აინთო

პირველი რესპუბლიკის მოედანზე დედაქალაქის მთავარი ნაძვის ხე საზეიმოდ აინთო. ცერემონიას თბილისის მერი კახა კალაძე დაესწრო.

 

დედაქალაქის მერის განცხადებით, საახალწლო ღონისძიებები ყოველდღიურად, 13 იანვრის ჩათვლით პირველი რესპუბლიკისა და ორბელიანის მოედნებზე გაიმართება.

 

„მადლობა მინდა გადავუხადო ყველა იმ ადამიანს, ვინც ამ ღონისძიების მომზადებაში იყო ჩართული, მადლობა ყველა აქ მოსულ ადამიანს, მადლობა მათაც, რომელთაც გულით უნდოდათ მოსვლა და ვერ მოახერხეს. დღეიდან 13 იანვრის ჩათვლით ყოველდღე შესაძლებელია მობრძანდეთ აქ, საახალწლო სოფელში, სადაც 12:00 საათიდან 00:00 საათამდე გელოდებათ სხვადასხვა საინტერესო კონცერტი, წარმოდგენები, მულტფილმების გმირები. ქალაქში ორი ლოკაცია იქნება: პირველი რესპუბლიკის მოედანი და ორბელიანის მოედანი, სადაც საახალწლო ღონისძიებები გაიმართება და შეგიძლიათ, თქვენს შვილებთან და შვილიშვილებთან ერთად მობრძანდეთ“, - განაცხადა კახა კალაძე.

 

მისივე თქმით, მაქსიმალურად შეეცადნენ, რომ დედაქალაქის მთავარი ნაძვის ხე ბუნებრივ ნაძვის ხესთან ყოფილიყო მიმსგავსებული, რაც მსოფლიოში ტრენდს წარმოადგენს.

 

ღონისძიება საგანგებო წარმოდგენით გაიხსნა, რომელმაც მაყურებელი ზღაპრული მატარებლით დროში ამოგზაურა. ცნობილმა არტისტებმა საყვარელი საბავშვო ფილმების გმირები გააცოცხლეს.

 

წარმოდგენის რეჟისორი იყო ნიკოლოზ შველიძე, კომპოზიტორი - მიხეილ მდინარაძე, ხოლო ქორეოგრაფები ანჟელა თოხაძე და ნატალია კიკალეიშვილი.

 

ღონისძიებაში მონაწილეობდნენ ნინო ქათამაძე, ლევან მასპინძელაშვილი, დუტა სხირტლაძე, ნატალია ქუთათელაძე, რუსკა მაყაშვილი, მიშო ჯავახიშვილი, ეკა დოლიძე, ნიკო ვასაძე, თბილისის ბავშვთა კაპელა, ანსამბლი „ბზიკები“ და ნინო ანანიაშვილის ჭაბუკიანის სახელობის საბალეტო სკოლა.

 

წარმოდგენა ფოიერვერკით დასრულდა. თბილისის მერმა პირველი რესპუბლიკის მოედანზე მოწყობილი საახალწლო სოფელიც დაათვალიერა.

 

მთავარი ნაძვის ხის ანთების ცერემონიას საკრებულოს თავმჯდომარე გიორგი ტყემალაძე, თბილისის მერის მოადგილეები: სოფიო ხუნწარია, მაია ბითაძე, ილია ელოშვილი, ირაკლი ბენდელიანი, ასევე საქალაქო სამსახურების ხელმძღვანელები, პარლამენტისა და საკრებულოს დეპუტატები ესწრებოდნენ.

მსგავსი სიახლეები

კვირის გრაფიკი

კორონავირუსი და მისი გავრცელების ტემპი მსოფლიოში

17 თებ 2020კვირის გრაფიკი

                კორონავირუსის შემთხვევების რიცხვი სწრაფი ტემპით ზრდას განაგრძობს. მსოფლიო ჯანდაცვის ორანიზაციის მონაცემებით ვირუსის ყოველდღიური საშუალო ზრდა 2750-ს შეადგენს...

კორონავირუსი და ნავთობი

10 თებ 2020კვირის გრაფიკი

            კორონავირუსის გავრცელებამ ნავთობზე მოთხოვნა და ფასი შეამცირა. ნავთობზე ფასის განსაკუთრებული ვარდნა მოხდა მას შემდეგ რაც ჩინეთმა კორონავირუსის ეპიდემიის გავრცელების...

კორონავირუსი და მსოფლიო

3 თებ 2020კვირის გრაფიკი

          კორონავირუსით დაავადების შემთხვევების რაოდენობამ რეკორდულ მაჩვენებელს მიაღწია. დაავადების პირველად გამოვლენის დღიდან დაავადების სწრაფად გავრცელება ხდება...