მიახლოების მოშორებასიახლეები
კახაბერ კუჭავა და ირაკლი ბერაია ბრიუსელში ევროპარლამენტარებთან შეხვედრებს მართავენ
ბრიუსელში ვიზიტის ფარგლებში, კახაბერ კუჭავა და ირაკლი ბერაია ევრონესტის საპარლამენტო ასამბლეაში ევროპარლამენტის დელეგაციის ხელმძღვანელის მოადგილეებს, მარკეტა გრეგორევას და კრისტიან ტერეშს, აგრეთვე, ევროპარლამენტის საგარეო ურთიერთობათა კომიტეტის წევრებს ანდრეა ბოცსკორს, ურმას პაეტს, პეტრას აუსტრევიჩიუსს და მიხაილ გალერს შეხვდნენ.
კახაბერ კუჭავა ევროპელ კოლეგებს საქართველოს ევროპული და ევროატლანტიკური ინტეგრაციის პროცესში მიღწეულ შედეგებზე, ქვეყანაში გატარებულ და მიმდინარე დემოკრატიულ რეფორმებსა და შიდა პოლიტიკურ მოვლენებზე ესაუბრა. შეხვედრებისას, საქართველოს პარლამენტის თავმჯდომარის მოადგილის მიერ საკონსტიტუციო, სასამართლო და საარჩევნო რეფორმის წარმატება აღინიშნა. მან ევროპარლამენტარებს ამომწურავი ინფორმაცია მიაწოდა 21 იანვარს, ევროპარლამენტის საგარეო ურთიერთობათა კომიტეტის სხდომაზე განხილულ საკითხებთან დაკავშირებით.
ირაკლი ბერაიამ ევროპარლამენტარებს საქართველოს ოკუპირებულ ტერიტორიებზე უსაფრთხოების და ჰუმანიტარული კუთხით არსებული მძიმე ვითარების შესახებ დეტალური ინფორმაცია მიაწოდა. საგარეო ურთიერთობათა კომიტეტის თავმჯდომარემ ასევე ისაუბრა უკანონო ბორდერიზაციის პროცესსა და საქართველოს მოქალაქეთა უკანონო დაკავების ფაქტებზე. ირაკლი ბერაიამ ევროპარლამენტარებთან შეხვედრისას აღნიშნა, რომ ცეცხლის შეწყვეტის შეთანხმებით და საერთაშორისო სამართლით ნაკისრი ვალდებულებების შესრულების მიზნით, აუცილებელია რუსეთზე ზეწოლის გაზრდა.
ქართველმა დეპუტატებმა კიდევ ერთხელ აღნიშნეს ევროპელი პარტნიორების მიერ საქართველოს და ქვეყანაში მიმდინარე დემოკრატიული რეფორმების მხარდაჭერის მნიშვნელობა და ევროპელ კოლეგებს საქართველოს სუვერენიტეტისა და ტერიტორიული მთლიანობის მტკიცე მხარდაჭერისთვის მადლობა გადაუხადეს.
მსგავსი სიახლეები
6 აგვ 2021პოლიტიკა
განათლებისა და მეცნიერების კომიტეტში სკოლამდელი აღზრდა-განათლების რეფორმაზე იმსჯელეს
6 აგვ 2021პოლიტიკა
იუსტიციის სამინისტროს სტრატეგიული განვითარების 10-წლიანი სამოქმედო გეგმა
კვირის გრაფიკი
საქართველოში კორონავირუსის გავრცელების ტემპები და პროგნოზი
16 აგვ 2021კვირის გრაფიკი
არსებული ტემპით ზრდის შემთხვევაში საქართველოში დღეს არსებული კოვიდის შემთხვევები ორ კვირაში თითქმის გაორმაგდება. OurWorldInData-ს მონაცემებით, საქართველოში 15 აგვისტოს...
ავტომობილების მფლობელობა და მშპ ერთ სულ მოსახლეზე
9 აგვ 2021კვირის გრაფიკი
საქართველო ავტომობილების რაოდენობით 1000 მოსახლეზე მსოფლიოში 58-ე ადგილზეა. მსოფლიო ბანკისა და სტატისტიკური ოფისების მონაცემებით, საქართველოში ავტომობილის რაოდენობა 1000...
ელისო ბოლქვაძემ ზაქარია ფალიაშვილის ძეგლი გვირგვინით შეამკო
6 აგვ 2021კვირის გრაფიკი
კულტურის კომიტეტის თავმჯდომარემ, ელისო ბოლქვაძემ ქართული ეროვნული საკომპოზიტორო სკოლის ფუძემდებლის, ქართველი კლასიკოსის, დირიჟორისა და საზოგადო მოღვაწის, ზაქარია ფალიაშვილის ძეგლი...