agora financeAGORANEWS

პარლამენტის სტაჟიორებმა 6-თვიანი სტაჟირების პროგრამის ფარგლებში სოციალური პროექტი - „ინკუნაბულა“ შეიმუშავეს, რომლის მიზანია საქართველოს სხვადასხვა სოფლის საჯარო სკოლის მოსწავლეებისთვის სრულფასოვანი განათლების მიღებაში ხელშეწყობა და თანამედროვე საკითხავი ლიტერატურითა და კომპიუტერული ტექნიკით სკოლების ბიბლიოთეკების  უზრუნველყოფა. პროექტი შეესაბამება საქართველოს პარლამენტის საშემოდგომო სესიის 10 მთავარი გამოწვევიდან ერთ-ერთ პუნქტს - „ბავშვთა უფლებები“, რომელიც პარლამენტის თავმჯდომარის, არჩილ თალაკვაძის მიერ იქნა წარდგენილი 2019 წლის სექტემბერში.

22 იანვარს პარლამენტის სასწავლო ცენტრისა და პარლამენტის ეროვნული ბიბლიოთეკის ორგანიზებით, გორის მუნიციპალიტეტის ე.წ საზღვრისპირა სოფლების - შავშვების და არბოს სკოლებს ბიბლიოთეკებს პარლამენტის სტაჟიორებმა და ეროვნული ბიბლიოთეკის დირექტორმა, გიორგი კეკელიძემ   500-მდე წიგნი, 2 პერსონალური კომპიუტერი და 2 პრინტერი გადასცეს.

პროექტი განხორციელდა საქართველოს პარლამენტის ხელშეწყობით. აღნიშნული პროექტი მომავალშიც გაგრძელდება და მოიცავს სხვადასხვა რეგიონის საჯარო სკოლებს.