agora financeAGORANEWS

დარგობრივი ეკონომიკისა და ეკონომიკური პოლიტიკის კომიტეტმა დღეს გამართულ სხდომაზე მოისმინა ენერგეტიკისა და წყალმომარაგების სექტორში მომხმარებელთა უფლებრივი მდგომარეობის შესახებ საქართველოს ენერგეტიკისა და წყალმომარაგების მარეგულირებელ ეროვნულ კომისიასთან დამოუკიდებლად არსებული მომხმარებელთა ინტერესების საზოგადოებრივი დამცველის, სალომე ვარდიაშვილის მიერ წარმოდგენილი 2019 წლის ანგარიში. 

დოკუმენტში ვრცლად არის განხილული სფეროს თითოეულ დარგში არსებული პრობლემები და გამოწვევები, საზოგადოებრივი დამცველისა და კომპანიების მხრიდან განხორციელებული საქმიანობების ანალიზი და მომხმარებელთა ინტერესების დაცვისა და გაუმჯობესების შედეგები. მომხსენებელმა ისაუბრა განხორციელებული აქტივობების შესახებ, მოიყვანა ბოლო 5 წლის შედარებითი სტატისტიკა და განაცხადა, რომ მეხუთე, შემაჯამებელ წელს ფაქტობრივად მოგვარდა და გამოსწორდა სისტემაში მანამდე არსებული დარღვევები. მან დეპუტატებს ასევე სამომავლო გეგმები გააცნო.

ანგარიშის მოსმენის შემდეგ დეპუტატებმა დასვეს კითხვები.

კომიტეტის თავმჯდომარემ, რომან კაკულიამ მომხსენებელს შესთავაზა დამატებით სამუშაო შეხვედრა, რომ პარლამენტიც ჩაერთოს სისტემაში ჯერ კიდევ არსებული სირთულეების აღმოსაფხვრისა და მომხმარებელთა ინტერესების ეფექტიანად დაცვის მიზნით პრობლემების მოგვარებაში.

კომიტეტმა სხდომაზე იმსჯელა საქართველოს პარლამენტის 73 წევრის მიერ საკანონმდებლო ინიციატივის წესით წარმოდგენილი პარლამენტის დადგენილების პროექტის „2020 - 2030 წლებისთვის საქართველოს ახალგაზრდული პოლიტიკის კონცეფციის“ დამტკიცების შესახებ.

კონცეფცია პარლამენტის წევრმა ირინა ფრუიძემ წარადგინა. მისი თქმით, „ქვეყანაში მრავალი გამოწვევა არსებობს და ეს ბუნებრივია აისახება ახალგაზრდებზე და ამის მოგვარება რეალურად მხოლოდ ცალკეული დარგების პოლიტიკით შეუძლებელია, ვინაიდან ახალგაზრდობას სჭირდება კომპლექსური მიდგომა, საჭიროა, რომ ახალგაზრდობა ქვეყანაში იყოს პრიორიტეტი ეს დეკლარირებულად ასეა, მაგრამ ძალიან ბევრია გასაკეთებელი იმისათვის, რომ ჩვენ გვყავდეს ჯანსაღი, რეალიზებული, საზოგადოებრივ ცხოვრებაში აქტიურად ჩართული და დასაქმებული ახალგაზრდობა“.

მან ისაუბრა იმის შესახებ, რომ 2015 წელს საქართველოს