agora financeAGORANEWS

            განათლების საერთო ხარისხით საქართველო ევროპაში ბოლოდან მეოთხე ადგილზე იმყოფება. OWID-ის მონაცემებით საქართველოში განათლების ხარისხის ინდექსი 459.7-ს შეადგენს, რაც 10.5%-ით ჩამორჩება ევროპის საშუალო მაჩვენებელს (503.2). აღნიშნული ინდექსი წარმოადგენს სწავლის  მიღებულ საშუალო ჰარმონიზებულ ქულას, რომელიც შესაძლებლობას იძლევა მოხდეს სკოლის მოსწავლეების მიერ სტანდარტიზირებულ ტესტებში დაფიქსირებული შედეგების შედარება ქვეყნებს შორის.  

            აღსანიშნავია, რომ განათლების ხარისხის მაჩვენებლით ევროპაში ლიდერობენ რუსეთი (551.6), შვეიცარია (543.8), ესტონეთი (542.4), ირლანდია (535.4) და დანია (534.2). საქართველოზე უარესი შედეგი დაფიქსირებულია მოლდოვაში (443.3), მონტენეგროში (441.4), ალბანეთსა (436.7) და მაკედონიაში (389). განათლების დონე მნიშვნელოვანია, ვინაიდან იგი ქვეყნის ეკონომიკური განვითარების ერთ-ერთი მნიშვნელოვანი ფაქტორია.