agora financeAGORANEWS

            დღეს მსოფლიოში ოფიციალურად 170-ზე მეტი ვაქცინის კანდიდატის გამოცდა მიმდინარეობს. The Guardian-ის მონაცემებით 170-ზე მეტი ვაქცინიდან ჯერ ჯერობით არცერთი არ არის დამტკიცებული და მხოლოდ 11 არის მესამე, დამამათავრებელ სტადიაზე. ვაქცინის შექმნიდან მის მასობრივ გამოყენებამდე ვაქცინამ უნდა გაიაროს რამოდენიმე ეტაპი. კერძოდ, წინა კლინიკური, ფაზა 1, ფაზა 2, და ფაზა 3. წინა-კლინიკურ სტადიაში ტესტირება ხდება ცხოველებზე, ფაზა 1 მოიცავს ადამიანთა მცირე ჯგუფზე ტესტირებას, ფაზა 2-ის დროს ტესტირებას გადის ასეულობით ადამიანი, ხოლო მესამე ფაზაში ათასობით ადამიანზე ხდება ტესტირება. მესამე ფაზის დროს მკვლევარები ასევე გამოიყენებენ პლაციბოს. სამივე ეტაპის წარმატებით გავლის შემდეგ ვაქცინის მწარმოებელს შეუძლია მიმართოს შესაბამისი ქვეყნის წამლების სააგენტოს ვაქცინის რეგისტრაციის მოთხოვნით.  

 

            აღსანიშნავია, რომ ვაქცინებს ჩვეულებრივ სჭირდებათ წლების განმავლობაში ტესტირება და დამატებითი დრო მასშტაბური წარმოებისთვის. ამ შემთხვევაში მოსალოდნელია, რომ უკვე დეკემბრის თვეში შესაძლოა მოხერხდეს პირველი ვაქცინის რეგისტრაცია და მისი მოსახლეობისათვის მიწოდება. თუმცა საკმარისი ოდენობით ვაქცინის წარმოებას და შემდეგ მის მოსახლეობაზე მიწოდებას კიდევ რამოდენიმე დრო დასჭირდება.