agora financeAGORANEWS

საქართველოს ყველა რეგიონში დაფიქსირებულია ხელფასის მნიშვნელოვანი უთანასწორობა ქალსა და კაცს შორის. საქსტატის მონაცემებით საქართველოში დასაქმებულ კაცთა საშუალო თვიური ხელფასი 1362 ლარია, რაც 57%-ით აღემატება ქალთა საშუალო თვიურ ხელფასს (869 ლარი).

აღსანიშნავია, რომ ყველაზე მკაფიო სხვაობა დაფიქსირებულია ქვემო ქართლის რეგიონში, სადაც ხელფასების პროცენტული სხვაობა ქალსა (591 ლარი) და კაცს (1062 ლარი) შორის შეადგენს 80%-ს. მაღალი პროცენტული სხვაობით მეორე და მესამე ადგილზე არიან სამეგრელო-ზემო სვანეთის და კახეთის რეგიონები სადაც სხვაობა შესაბამისად არის 75% და 73%.

საქართველოს რეგიონებში 50% სხვაობის ქვემოთ არიან: რაჭა-ლეჩხუმი (40%), გურია (48%) და თბილისი (49%).