agora financeAGORANEWS

       მსოფლიოს განვითარებულმა სახელმწიფოებმა კორონავირუსის ვაქცინები მათთვის საკმარისი რაოდენობით უკვე დაიჯავშნეს. ვინაიდან ვაქცინები თავდაპირველ ეტაპზე შეზღუდული რაოდენობით იქნება წარმოებული (მოთხოვნასთან შედარებით), განვითარებული ქვეყნების მთავრობებმა წინასწარ თადარიგი დაიკავეს და ვაქცინების მწარმოებელ კომპანიებთან შესყიდვებზე კონტრაქტები უკვე გააფორმეს. ასე მაგალითად, კანადამ 340 მილიონი ვაქცინის დადასტურებულ მიწოდებაზე კონტრაქტები უკვე გააფორმა. ეს რაოდენობა კანადის მოსახლეობის რაოდენობას თითქმის 10-ჯერ აღემატება. აშშ-მ დადასტურებულად 1.1 მილიარდი ერთეული ვაქცინის შესყიდვაზე გააფორმა კონტრაქტი (რაც მოსახლეობის 3.3-ჯერ აღემატება) და პოტენციურად კიდევ 1.5 მილიარდი ერთეული ვაქცინის შესყიდვა შეუძლია. როგორც ცნობილია ყოველი ზრდასრული ადამიანისთვის ვაქცინის 2 დოზის მიღება არის საჭირო, იმისათვის რომ მიღწეული იქნას დაცვის მაქსიმალური ეფექტურობა.

       აღსანიშნავია, რომ ბევრმა დაბალ-განვითარებულმა ქვეყანამაც გააფორმა ვაქცინის მიწოდებაზე კონტრაქტი, მაგრამ უმრავლესობა მათგანისათვის მისაწოდებელი ვაქცინების რაოდენობა ვერ იქნება საკმარისი მათი მოსახლეობის მოთხოვნის სრულად დასაკმაყოფილებლად. ასე მაგალითად, უზბეკეთმა 35 მილიონი ერთეული ვაქცინის მოწოდებაზე გააფორმა კონტრაქტი რაც საკმარისი იქნება მისი მოსახლეობის ერთხელ ვაქცინაციისათვის.