agora financeAGORANEWS

       იმ ქვეყნებში, სადაც მაღალია ასაკოვანი ადამიანების წილი მოსახლეობაში კორონავირუსით გამოწვეული სიკვილიანობაც უფრო დიდია. კლინიკურად ცნობილია, რომ კოვიდის მაღალი სიკვდილიანობა აღინიშნება უფროსი ასაკის მქონე ადამიანებში. შესაბამისად, არსებობს დადებითი კავშირი უფრო დაბერებულ მოსახლეობასა და ყოველ 1 მილიონ ადამიანზე სიკვდილიანობის მაჩვენებელს შორის. თუმცა უნდა აღინიშნოს, რომ ასაკი ერთ-ერთი მაგრამ არა ერთადერთი ფაქტორია, რომელიც მოქმედებს სიკვდილიანობაზე. სხვა ფაქტორებს მიეკუთვნება ჯანდაცვის სისტემის ხელმისაწვდომობა და მზაობა, მთავრობის მიერ გატარებული შეკავების ღონისძიებები, და სხვა.  

       გაეროსა და Worldometer-ის მონაცემებით საქართველოში 65 წელს გადაცილებული მოსახლეობის წილი 15%-ია, ხოლო სიკვდილიანობა 1 მილიონ მოსახლეზე 798. საქართველო მსგავსი ასაკობრივი სტრუქტურის ქვეყნებთან შედარებით უფრო მაღალი სიკვდილიანობით გამოირჩევა. მაგალითად, საქართველოს სიკვდილიანობა მნიშვნელოვნად აღემატება იმ ქვეყნების მაჩვენებლებს სადაც 65 წელს გადაცილებულების წილი ასევე დაახლოებით 15%-ია.