agora financeAGORANEWS

       ბოლო 100 წლის განმავლობაში მსოფლიომ იმდენი ტყე დაკარგა, რამდენიც წინა 9000 წლის განმავლობაში. Pendrill-ის კვლევის მონაცემებით მსოფლიო ყოველწლიურად დაახლოებით 5 მილიონ ჰექტარ ტყეს კარგავს, საიდანაც 95% არის ტროპიკული წარმოშობის. აღსანიშნავია, რომ დაკარგული ტყის ერთი მესამედი მოდის ბრაზილიაზე, სადაც ყოველწლიურად ნადგურდება 1.7 მილიონი ჰექტარი ტყე. ასევე განადგურებული ტყეების მნიშვნელოვანი წილი მოდის ჩრდილოეთ და სამხრეთ ამერიკის სხვა ქვეყნებზე (21%), აფრიკაზე (17%) და ინდონეზიაზე (14%). ტროპიკული ტყეების განადგურების მთავარი მიზეზია სასოფლო-სამეურნეო, საძოვარი მიწებისა და ტყის პლანტაციების გაშენება. მაგალითად, საქონლის ხორცის, სოიოს და პალმის ზეთის წარმოებამ განაპირობა ტროპიკული ტყეების 60%-ის განადგურება. არსებული პრობლემის მოსაგვარებლად ერთ-ერთი გამოსავალია საქონლის ხორცის ჩანაცვლება, რადგან ხორცის ინდუსტრია ტყეების პირველი მტერია.