agora financeAGORANEWS

       საქართველოს ინფრასტრუქტურის ხარისხი მიახლოებით შეესაბამება მსგავსი განვითარების მქონე ქვეყნების საშუალო მაჩვენებელს. საერთაშორისო სავალუტო ფონდისა და მსოფლიო ეკონომიკური ფორუმის მონაცემებით, საქართველოს მშპ ერთ სულ მოსახლეზე (მსყიდველობითი უნარიანობის გათვალისწინებით) $13,596-ია, ხოლო საერთო ინფრასტრუქტურის ხარისხის ინდექსი 3.92-ია.   აღნიშნული ინდექსი გამოითვლება მოსახლეობის გამოკითხვის მეშვეობით და მერყეობს 1-დან 7 ქულამდე. გამოკითხვისას ფასდება თუ როგორი აღქმა აქვს მოსახლეობას გზების, რკინიგზის, ნავსადგურების, ენერგომომარაგების და სხვა ინფრასტრუქტურის ხარისხზე. შეფასება 1-იანი ნიშნავს, რომ ინფრასტრუქტურა უკიდურესად განუვითარებელია, ხოლო 7-იანი კი - განვითარებული და საერთაშორისო სტანდარტების შესაფერისი.

       აღსანიშნავია რომ ინფრასტრუქტურის ხარისხის მიხედვით ლიდერობენ ისეთი ქვეყნები როგორიცაა: შვეიცარია (7 ანუ მაქსიმალური შეფასება), ლუქსემბურგი (6), სინგაპური (6). მეორეს მხრივ ყველაზე დაბალი ხარისხის ინფრასტრუქტურა აქვთ ბურუნდიში (2), მალავსა (2) და კონგოს დემოკრატიული რესპუბლიკაში (2).