agora financeAGORANEWS

       საქართველო დემოკრატიის ინდექსით მსოფლიოში 89-ე ადგილზეა. ჟურნალ „ეკონომისტის" მონაცემებით, საქართველოში დემოკრატიის ინდექსი 53.1-ს შეადგენს, რაც ევროპის საშუალო მაჩვენებელს (73.7) 28%-ით ჩამორჩება. საქართველო მიეკუთვნება ჰიბრიდული რეჟიმის ქვეყნებს, რომლებიც საგრძნობლად არიან დაშორებული სრული დემოკრატიის ქვეყნებისგან, სადაც საშუალო მაჩვენებელი 88 არის. ზოგადად რაც უფრო მეტია ქვეყნის დემოკრატიის ხარისხი მით უფრო უკეთესია ქვეყნის ცხოვრების დონე, როგორც ეს გრაფიკზეა ნაჩვენები.    

 

       დემოკრატიის ინდექსი ქვეყნის საზოგადოებრივი აზრის კვლევით დგინდება. კვლევა დამყარებულია 60 კითხვაზე, რომლებსაც რამდენიმე სავარაუდო პასუხი აქვს. კითხვები ეხება შემდეგ თემებს: საარჩევნო პროცესი და პლურალიზმი, მოქალაქეთა თავისუფლება, მთავრობის ფუნქციონირება, პოლიტიკური აქტიურობა და პოლიტიკური კულტურა.

 

       აღსანიშნავია, რომ ზემოთხსენებული ინდექსის ყველაზე მაღალი მაჩვენებელი დაფიქსირებულია ჩრდილო-დასავლურ ევროპის ქვეყნებში: ნორვეგიაში (98.1), ისლანდიასა (93.7) და შვედეთში (92.6), ხოლო ყველაზე დაბალი მაჩვენებლებია კონგოს დემოკრატიულ რესპუბლიკაში (11.3), აფრიკის ცენტრალურ რესპუბლიკაში (13.2) და სირიაში (14.3).